BIRIYOONI 3 KWOMBEKA EIZARIRO AHARI MBARARA MUNICIPAL HCIV
Meeya Kakyebezi hamwe na Sipika baraganise oku City erikuza kumaririrza ekyombeko ekyo erikutaho emyariro ebiri
BIRIYOONI 3 KWOMBEKA EIZARIRO AHARI MBARARA MUNICIPAL HCIV
Ekitongore ekya Uganda Healthy Activity kikwatanise na minisiture yebyamagara omwihanga, barikutunga obuyambi kuruga omwihinga rya America nibaza kwombeka ekyombeko ahirwariro erya Mbarara Municipal HCIV eri baingi barikumanya nka erya Kanso. Ekyombeko eki nikiza kw’ombekwa aba Bullen Contractors kandi nikiza kumaraho Obuhumbi 3B ahu baraije kumara ameezi 5 kumarira omurimo ogu.
Dr. Fred Mugalula orikwebembera eirwariro rya Kanso naagira ekyombeko eki nikiza kuba kirimu ekishegye ky’okushemerezamu abakazi benda, omwanya gwabakazi abaheza kuzara, hamwe nomwanya gw’abaana abaheza kuzarwa. Okutunga eky’ombeko eki nikiiza kwongyera obuhereza ahirwariro eri namunonga kyahiika aha bakazi benda abarikuba nibaazara.
Eirwariro rya Mbarara munisipo HCIV ritwire ryine omuremezi bwamani namunonga kyahiika aha bakazi ababaire nibashemezibwa baba nibazaara, ahu baingi babaire nibabohereza ahirwariro erihango erya Mbarara regional Hospital. Obwahati Dr. Fred Mugalula naagira ngu kuruga Gavumenti ebahereza abashaho abakugu, babasize kutungura aha buhereza ahu omu sabiti 3 bashemiize abakazi 70 wagyerenisa nobwire obw’enyima ahu babaire bakoraho abakazi 30 omukwezi kumwe.
Meeya Robert Kakyebezi asiimire Dr. Muhwezi Argustine obasize kushakiira ekibuga kya Mbarara obuhwezi bwamani. Kurugirira aha purani y’ekizimbe eki Mbarara city kanso neija kw’ogyeraho emyariro ebiri kukimarira. Kakyebezi ashabire abarikuza kwombeka ekizimbe ki kukuratiira ebyo byoona ebiri omu purani ahabw’omurimo murungi.
