OKUTUNGURA EBYOBWEGYE, ABASHOMAIRE
BISHOP STUART DEMO BASHAGIIKA EISHOMERO NEBIKORESA
Nebya : Christopher Ahimbisibwe
Nobu gavumenti erikuhweraho amashomero aguyatandiikire, hakiriho byingi ebi amashomero namunonga agari aha rurengo rwa primary garikwetenga namunonga kyahiika aha byombeko ebirimu ebykushomeramu ahamwe noburaro bwabeegi. . Obwahati abeegi abashomaire ahishomero rya Bishop stuart demo primary school, bashaziremu bahereza eishomero eri paint yokuboneza ebyombeko byishomero ebibire biri kubi.
Eishomero erya Bishop Stuart demonstration primary school rikatandiika omu mwaka gwa 1952 omubwire bwabajungu ahu obwahati ryahisya emyaka 72 kandi nokuhisya nahati rikiriyo nirishomesa abeegi bihanga. Abeegi abarabire omwishomero eri obwahati abari abantu bakuru baba baine okwesiima ahabwokugaruka ahishomero ryabo eryabakozire ekibari.
Mark Bikosa orikwebembera ekigombe kyabeegi abashomaire Bishop stuart Demo , naagira ngu obu nibwe obwire obu baine kurugayo bakakwatiraho eishomero eryabahindwire abamani.Bwanyima yokugiira ekitekateko kyokugaruuza eishomero eri, aba berundinemu sente zirikurenga 2.3M nikwe kugura erangi ei batwire ahishomero nikigyendererwa kyokurigaruza busya.
Abarikwebembera eishomero eri bebembirwe Rev Emmy Mwesigye ori ceyamani wa bodi hamwe Mugumya Joseph ori mukuru weishomero. Basimire omurimo ogu abashomaire Bishop Stuart demo batandiikire kukora. Niboreka ngu nobu eishomero ririkuhwerwaho Gavumenti, kwonka obu nibwe obwire obu abeegi hamwe nabaziire bashemerire kurugayo bakakwatiraho eishomero erikuhwera abeegi kushoma.
Nobu eishomero eri riri ahamusigye gwekanisa kandi ririkushagikwa gavumenti, mukuru weishomero naagira ngu baine obuzibu bwoburaro bwabaana hamwe nahokushomera ahabw’omubaro gwabeegi kweyongyera bakakiira ebizimbe ebiriho. Nikwe kushaba Gavumenti kurugayo ekabahwera ekabombekyera ebirasi byabeegi kwegyeramu.
Abashomaireyo baraganise kubarikuza kuguma nibakwatiraho eishomero ryabo namunonga kyahiika aha beegi abarabe bakozire gye aha p.7. Obwahati Bishop stuart demo primary school aine abeegi barikurenga omuri 1000 kandi abamwe aha beegi nibaruga omu mahanga gaheru.
