OMURIRO GWOKIIZE OBURARO BWABEEGI AHARI RWENYAGA SEC SCH

PORIISI ERIYO NECOONDOZA EKIRESIRE OMURIRO

Burikushesha eraizoba eishomero rya Rwenyaga secondary school eririkushangwa omu kyaro kya Rwenyaga omu muruka ogwa Ryamiyonga omu omu gomborora eya Mwizi, bagwerirwe akagwe obu oburiro ogutarikumanywa ahu gurugiire gukwasire oburaro bwabeegi ahu domiture eibiri zabojo zihiire zahwaho.  

Kurugirira ahari Poriisi omu Disiturikiti eya Rwampara nikigabwa ngu aha shaaha emwe zomwabazyo obu abeegi babaire bariyo nibareba akapiira ahagati ya Arsernal hamwe na Aston Villa omu main hall.

Omuriro ogu tarikumanywa ahu gurugiire gukwasiire domiture eibiri emwe erikumanywa nka Peace endaijo Rich ezibaire nizirarwamu abaana babojo ahu domu ya Peace ebaire nerarwamu abeegi 48 reru endaijo 32. Nikigambwa ngu omweegi wa siniya ya mukaga obaire ariyo nashoma ebitabo bye haihi na domu ezo niwe arahukire kugambira abeegi oku domu zakwatwa omuriro ekiretire barahuka kwihaho amashanyarazi.

Abeegi aba bekoziremu omurimo babasa kwihamu ebintu byabo ebimwe omu domu eya Rich kwonka domu endaijo eya Peace ahu omuriro ogu gutandikiire bicwekyerire, nobu barabe bagyerizeho kuraza omuriro ogu.

Ekitongore ekya Red Cross nakyo kyahiika omu mwanya ogu kureba ebisisikaire kandi aba baraganisa kubarikuza kukora rwipoti eraije kubahwera kutunga obuhwezi oburaije kuyamba eishomero eri

Okucondoza okwakozirweho nikworeka oku pasi yamakara omweegi agisigire aha kitanda obu abaire ariyo nagorora yunifomu nikwe kugisigaho akaza kureba akapiira, ekibaasa kuba nikyo kirugirireho omuriro ogu. Omugambirizi wa poriisi ahabwa Rwizi Rwijoni Samson Kasasira yahamya amakuru aga kandi okucoondoza nikugumizamu kumanya ahu omuriro gurugire.