OKWIJUKA EKITA BANTU OMURI RWANDA, ABANYARWANDA OMU UGANDA BIJUKIIRE EIZOBA ERI
Abanya Rwanda abarikutura omwihanga rya Uganda bijukiire kandi binamira emiri yaabo abanyabuzare, abazaire, abaferire omu Rutaro rwekita bantu orwabaire omwihanga rya Rwanda ahagati yaba Tuusi hamwe naba Huutu.
Omukoro ogu ogwomurundi ogwa 30 gukorirwe omu Disiturikiti eya Mpigi ahamwanya ogurikumanywa nka Ggolo genocide Memorial site, ahu abahangu kuruga omu gavumenti ya Rwanda hamwe na Uganda bahikiire aha kwijuka abo abafiire.
Ahamwanya ogu emibiri yabanya Rwanda erikuhiika 4,771 niyo yazikirweho bwanyima yokuretwa emigyera yamaizi erimu nkogwa Kagera hamwe na Nyabarongo eyabaire neshuka omunyanja ya Lake Victoria.
Minisita wenshonga zamahe hamwe naba zirwanireho Huda Abason Oleru niwe abaire ari omugyenyi mukuru. Kandi ogu ashabire abanya Uganda kugira kihango ekibaguma nibega ahakyabaire omwihanga rya Rwanda. Naagira ngu okushorora omurangi nekintu kyakabi eki buryomwe weena ashemerire kwehara omu mirimo ya butosha.
Joseph Rutabana omujwekyerwa wa Rwanda omu Uganda shabire gavumenti zamahanga kubahwera bakarwanisa abo abarikugamba ebishuba aha kita bantu ekyabaire omwihanga rya Rwanda. Nayenda abo boona abayejumbire okwita abantu bakwatwe hoona ahubari bafubirwe.
Oijuke ngu aha biiro 6/04/1994 omwihanga rya Rwanda hakabamu ekita bantu ekyabaire kigyenderire okumaraho oruganda rwaba Tuusi , ahu abantu barikurenga emitwaro 80 bafiire. Orutaro oru ningashi ekita bantu eki kikamara ebiiro 100.
