EDIINI TERIKWIKIRIZA NGU BATUBARE- BABIRI BAKWASIRWE OMURI SHEEMA
Aba niboreka oku ediini yaabo etarikubikiriza ngu babarwe
Poriisi omuri Sheema aine abantu babiri omu kihome kyayo bwanyima yokuzibira ababaire nibabara abantu ngu batababara. Abakwasirwe ni Justine Bamuhairwe emyaka 72 yobukuru namutahiwe Bashemerirwe Beatrice boona enzarwa za Nyakashambya omuri Bugongi tauni kanso.
Abakwasirwe aba nabarikwebembera enyikiriza eya Engiri aine enyikirirza etarikushushana nezabandi ahu bo batarikwikiriiza omu puroguramu za gavumenti ezirimu nkokubara abantu , okugyeema abaana okwejumbira omu byetunguka hamwe nezindi puroguramu.
Sam Orikunda ori omuhwezi womujwekyerwa wa puresidenti omu disiturikiti ya Sheema agizire ngu abantu aba nibaija kubarwa kifuba ahabwokuba nabanya Uganda kandi egi ni puroguramu ya gavumenti. Aha niho ashabiire abenyikirirza ezindi kwehara abantu abaine entekateka nkezi ezirikuhakanisa gavumenti.
Omubigambo bye Sam naagira ngu “ nituza kweyongyera kukwata abo boona abarikujemera etekateka za gavumenti namunonga abo abatarikwenda kubarwa”.
Oihireho aba babiri abakwasirwe, orikwebembera ebyokubaara abantu omuri Sheema Disiturikiti Arinaitwe Laban, nayoreka okubaara abantu omuri Sheema oku kuriyo nikugyenda omu maisho hatarimu kuteganisibwa.
