AKAKOKO KA SIRIMU NIKEYONGYERA, MBARARA DISITURIKITI YAHIIKA AHA BUCWEKA 14.4%
Omwaka 2010 abantu barikurenga 48000 bakitwa endwara yakakoko kasirimu wagyeranisa 2022 ahu abantu 17000 nibo bafiire.
NEBYA: ARINAITWE DUNCAN
Kurugirira aha kitongore ekirikujunanizibwa aha kakoko ka sirimu omwihanga ekya Uganda AIDS Commission nikyoreka oku abantu abarikukwatwa akakoko ka sirimu omu disiturikiti ya Mbarara kariyo nikeyongyera aha sipidi yekijungirirzi.
Kurugirira ahari rwipoti yekitongore eki yomwaka 2023/2024 neyoreka oku Disiturikiti ya Mbarara eriyo nenda kushanguraho rwikodi eihanga ryoona, ahu akakoko ka sirimu omwihanga kari aha bucweka 5.1%.
Okugamba ebi Dr. Steven Asiimwe orikujunanizibwa ahakwerinda kwendwara egi omukitongore ekya Uganda AIDS Commission abagambire omu mushomo ogubaire gurimu abanya makuru nabandi hamwe nabebembezi ogubaire aha Oxford Hotel Mbarara.
Kurugirira aha kucoondoza nikworeka oku disiturikiti eziri omu buregye rwaizoba nka Mbarara nikworeka oku abantu abaine akakoko ka sirimu gwahiika aha bucweka 6.3% wagyeranisa nomuhendo gwihanga oguri aha bucweka 5.1%. Obwahati okucoondoza nikworeka oku abantu abaine akakoko ka sirimu omu disiturikiti eza buregye rwaizoba barikuguma nibeyongyera ekintu ekiriyo nikyerarikiriza abebyamagara omwihanga.
| DISITURIKITI | OMUBARO GW’ABANTU % | |
| 1 | Mbarara | 14.4% |
| 2 | Bushenyi | 9.2% |
| 3 | Kiruhura | 9.5% |
| 4 | Mbarara city | 8.1% |
| 5 | Ibanda | 7.3% |
| 6 | Sheema | 7.5% |
| 7 | Ntungamo | 5.9% |
| 8 | Rubirizi | 6.1% |
| 9 | Mitooma | 4.1% |
| 10 | Buhweju | 3.8% |
| 11 | Isingiro | 3.0% |
Dr. Asiimwe nayoreka oku abantu abarikukwatwa akakoko kasirimu namunonga omuri Mbarara nabo abari aha gati yemyaka 20-49. Dorcus Twinabeitu naagira ngu nobu bagyerizeho kuwanisa okujanjara kwakakoko ka sirimu, abishiki bato hamwe nabakazi nibeyongyera kukwatwa akakoko ka sirimu omu kibuga ekya Mbarara.
Eki akitire aha kweyongyera kwembera mbi eri omwihanga erikuhaririza abishiki abo kweguza ngu bantugye akasente. Okucoondoza nikwongyera kworeka oku okwezi kwakashatu omwaka 2024 abantu barikurenga 31852 nibatura nakakoko ka sirimu.
