EBYO MWEEGI WA BSU OU BISIRE NIBIRANDA KOOTI ENKURU OMURI MBARARA YATANDIIKA KUHURIRA ORUBANJA
Kooti enkuru omuri Mbarara erizooba yatandika kuhurira orubanja rw’omweegi wa Bishop stuart University orikutekatekwa okuba yayitsirwe omushomesa wa University endijo erikumanywa nka Metropolitan yunivasite omu rurembo Mbarara.
Nikigamba ngu aha01/03/2024 Kellet Mbabazi akakwatirwa omu maka ga Owakubariho Steven omuri Biharwe bamutera emisimari omu mutwe, aha maraka hamwe nomubigyere mpaka aferireho. Kooti enkuru omuri Mbarara eyaba ekurirwe omuramuzi Andrew Kabombo ori chief Magistrate erizooba nibwe yatandika kuhurira orubanja rwa Kellet Mbabazi owabire ari omweegi wa Bishop Stuart university arikushoma obushomesa omu mwaka gw’okubanza kandi owashangirwe ayitirwe omu maka ga Owakubariho Steven omushomesa wa University eya Metropolitan omuri Mbarara.
Nikigambwa ngu ahari 01/03/2024 Kellet Mbabazi emyaka 25 enzarwa ya Kanyanku, omuri Kitimba ward omu western Divijoni Rukungiri Municipality akakwatirwa omumaka ga Steven Owakubariho obuyabire agire kutayayira omukaziwe atyo yaterwa emisimari omu bigyere hamwe n’omumutwe otireho okumwotsya na petrol mpaka afire.
Poriisi ekakwata abantu 4 abarimu Owakubariho Steven omushomesa wa University ya Metropolitan erikushangwa omuri Biharwe hamwe n’omukaziwe Gloria Mwesigye nawe orikukora nka baasa wa yunivasite niyo emwe. Abandi abakwasirwe barimu Ronald Tumwesigye omwombeki hamwe na muriranwa wabo Proscovia Nalweyiso kandi aba boona erizooba barebekaho omu kooti.
Aba 4 omuramuzi tiyabikiriza kugira ekibagamba nikwe orubanja rwabo okurwongyezayo mpaka ebiro 30/07/2024.
