PURESIDENTI RUTO OKUBINGA BA MINISITA HAINE OKU KENYA ERAIJE KUGANYIRWAMU??
BA MINISITA 23 NIBO BABINGWA AHA MIRIMO YAABO OMWIHANGA ERYA KENYA
Kurugirira ahari atiiko 152 (1) hamwe na 152 (B) omu ngyenderwaho eihanga rya Kenya nehereza obushoborozi mukuru weihanga kuronda kandi akagaruka akahindura ba minisita abarikuba aronzire. Eraizoba eihanga rya Kenya ryarebera okutangara bwanyima ya Mukuru weihanga kubinga ba kabineti minisitazi boona. Ebi byoona byakorwa obuyaba naherezayo okugamba kwe aha offisi za mukuru weihanga.
Ori omuhwezi wa mukuru weihanga Rigathi Gachagua, ori omuhandiki mukuru omu offisi ya eihanga hamwe norikujunanwa enshonga zaheru Dr. Musali Mudhavadi, abo nibo bahoona okubingwa eraizoba ebiiro 11/07/2024. Eki nikija bwanyima yeminyeto hamwe nabantu bakuru kutandiika kwesharinga barikuhakanisa embera eyabaire eri omwihanga ahu buri kintu kyoona kyabaire kiri aha beeyi yahiguru.
“Bwanyima yokuhurikiriza eki abanya Kenya barikwenda hamwe nokureba emitwarize ei ba minisita babaire nibakoreramu emirimo yaabo, nasharamu kukoresa obujunanizibwa obwampirwe kukyendeza ba minisita aba obwe ndikubabinga”. Oku nikwe Ruto puresidenti wa Kenya arikugamba.
Oijuke ongu obwesharingo omuri Kenya obwatandikire ebiiro 25/06/2024 buretiire puresidenti Ruto yashazamu ebintu byingi ebi paramenti ya Kenya yabaire etiire omumbarira yomwaka 2024/25. Ahu yashazire emishara yabanyishengyero sente za offisi ya mukuru weihanga, hamwe nebindi bintu. Eki akakikora aha puresha ei abasharingi abarikweteranira omu ngamba emwe erikumanywa nka Gen Z.
Nobu puresidenti Ruto ariyo nakora ebi abamwe nibagira ngu ariyo nabikorera aha puresha ngu obundi batakamwiha omuntebe yobwa mukuru weihanga. Oijuke ngu omu mwaka gwe 2005 puresidenti Mwai Kibaki nawe akabinga ba minisita omuringo nigwe gumwe.
