OMUGYERA GWA MUGUNU KUMARWAHO OBUROFA –OMURI FORT PORTAL
Abatuura baguhindwire einagiiro rya kasasiro hamwe nobubi
Nebya: Jonan
Nobu kirabe ngu ekibuga ekyoburambuzi ekya Fort Portal nikyo kibuga ekirikusingayo obiyonjo omu bibuga ebiri omu Uganda. Obwahati embera terinungi eshaaha yoona ekitinisa ekyo nikiza kurugaho.
Ahuturikugambira ebi abatuura bomukibuga fort Portal obwahati Kasasiro yoona nibagishuka omu Mugyera ogwa Mugunu. Ekintu ekiriyo nikyerarikiriza ebyobutonde hamwe noku omugyera ogu guraije kuhangara. Wahika ahamugyera ogu emituumo yakasasiro, obubi bwa bantu, ebiveera hamwe nebiindi baingyi nibyo birikukwakiira ekirikuretera ekitinisa kya Fort Portal kyagaruka enyima.
Omugyera ogu nigumwe ahamigyera erikuteeka amaizi gaayo omumugyera omukuru ogwa Mpanga omururembo Fort portal.
Enkungu zomugyera ogu zo abaantu bakazimaraho obwa rubanda na Nzigye obwe barikwombekaho emaju otireho nobutare.
Ekyokureberaho, wahiika aha petrol sitation eya Fuelix ahu akatare kari hamwe nabashubuzi , beby’enyaanja omugyera ogu bakaguhinduramu einagyiro ryakasasiro eyebyenyaanja ebibarikuba nibasharira omukatare. Ahamugyera nigwo gumwe, sewage nayo nereebwa erikushukwa omumaizi gomugyera ogu. Ogumanmya ngu omugyera ogu gusisirwe, omuheendo gwamaizi gukyendiire otireho nomutindo gwaago kuba mubi munonga. Abatuura akakumu ni bakateeka ahabebembezi ahabwoku byaama ahamurimo hatiine kiintu kyoona ekibakozireho omukukuma omugyera ogu.
Bright Julius, omutuura womururembo Fort portal kaandi omuvugyi wa boda boda nagyira ngu waaza ahamwaanya ahu omugyera ogu gurikutandikyira, abaantu batandikiire kugunagamu eitaka otireho nokugwombekahi amaju.
Turikuganiraho na mayor wa Fort Portal Central division Richard Muhumuza ahanshoonga niyo emwe enshumi nkye ehingwiire, akakyoreeka kurungi ku abakirizeyo kushisha omugyera ogu nabakatare kaha Fuelix hamwe naabo abaine za washing bay hiihi nomugyera. Nayoreka oku baine ekitekateko nka kanso kyokureba ngu abantu boona abarikukorera aha haihi nomugyera ogu barugaho.
Nayogyera agiira ngu nibenda kuronda abaserukare abarabahwereho omu kukwatisa amateka aharyabo abarikushiisha emigyera erikushangwa omukibuga Fort portal. Kitaryekyo nikiiza kubabeera amaino garuguru.
