Omuntu omwe niwe yagambwa kuba niwe yaferaho bwanyima yokuterwa enkuba. Bonefance Nuwamanya orikwebembera ekitebe kya Poriisi ekya Kashongi niwe yahamya amakuru aga. Naagira ngu omuntu omwe niwe aferireho kandi abandi babiri bakatunga abuhuta. Ebi byoona bibireho omukyaro ekya Kishumo omugomborora eya Kashongi omu disiturikiti eya Kiruhura aha biiro 12/08/2024.
Afande Nuwamanya nagira ngu abantu bashatu aba babaire nibagyendera ahari piki piki namba UGD 239K kurunga omu Disturikita eya Kanungu kandi obwo babaire baizire kuziika omunyabuzare wabo omu Disturikita eya kazo.
Abatairwe enkuba babaire bataine bihandiko byoona ebikubagambaho kwonka bamwe omu banyabuzare abarugire omuri Rwenjubu Kashongi nibagira ngu abantu abo babaire nibaruga omu district ya Kanungu.
Asp Nicolas Namanya orikukurira polisi ya Kiruhura Disturikita yayoreka ekyakubasa kuba kirugirireho abantu aba kuterwa enkuba obwe arikworeka oku abantu aba bashatu okuterwa kibaasa kuba kirugirire aha ryomwe obaire nagambira aha siimu obwo enjura erikugwa.
Charles Kakiiza ori ceyamani wekyaro ekya Rwenjubu nawe yahamya oku abantu aba babaire bizire kushendekyereza omunyabuzare ou babaire nibaziika omukyaro eki. Ahu twaza kuhandikira amakuru aga twaba tutakatungire ebihandiiko ebirikugamba aha muntu ogu.
