OKURETAHO ENKWATANISA AHA GATI YEMPUGI HAMWE NABA NYA UGANDA
Okugira enkoragana nungi nempungi nigumwe aha miringo erikureta entuguka hamwe nobusigye.
Eihanga rya Uganda nirimanywa munonga nkeihanga erikozire omurimo muhango gwokwakiira abarikuba nibenda obubundamo kuruga omu mahanga gatarigamwe nagamwe ahabwenshonga ezikwatiraine nentaro.
Abantu aba abarikuruga omwihanga erindi bakaza omurindi nibamanywa nka empungi kandi omu Uganda obwahati omuhendo gwabantu abo bahiika miriyooni zirikurenga 1.611732M kurugirira aha minisiture eyeshonga z’omunda . Uganda erimu emyanya yobubundamo erikuhiika 13 eri omu Disiturikiti 11 ahu ebitongore bitari bimwe nabimwe birikubakwatiraho.
Ahabw’omuhendo gwabantu abarikwenda obubundamo omwihanga kweyongyera bwashesha bwira , abebembezi kuruga omu Disiturikiti eziherire empungi ezirimu Kabarore, Isingiro, Kamwege,Fort Portal hamwe na Kibare. Bagizireho ekiganiiro omu kibuga ekya Fort Portal hamwe nabebembezi abarikwebembera empungi nekigyendererwa kyokureba okubakubasa kuturana omu Busigye.
Hadson Turinayesu omwe omubatebekanisa kuruga omukitongore ekya KAS Uganda obwe bakwatanise nekitongore ekya Refugee Global Talent. Naagira ngu okugiiraho ekwatanisa nungi ahagati yempungi hamwe naba nya Uganda nigumwe aha miring eraije kuretaho enkurakurana omu myanya erimu empungi.
