OKURINDA EBY’OBUHANGWA OMURI BUHWEJU, ABANTU BARIKURENGA 200 BABINGIRWE OMUKISHARARA.
NEBYA: JULIET K.
Abebembezi ba Disiturikiti ya buhweju membembirwe orikukurira eby’obuhangwa Celemesia Birungi batandikire ehururu yokubinga abantu boona omuri Buhweju abariyo nibeyongyera kutahirira ebisharara.
Obwahati abebembezi amani bagatiire aha kisharara kya Nyaruzonzi ekirikushangwa omugomborora eya Nyakishana ekirikwingana heeka 85 ezi abatuura babaire bariyo nibamaraho. Ekisharara eki abatuura bakakitahirira abatyo bakoramu za farm,bahingamu emisiri,babyaramu emiti ekintu ekirikushisha eby’obuhangwa.
Abatuura kuruga omu byaro ebirimu Nyaruzonzi ahu ekisharara eki kiri, Kanuka, Rwanyamabare, Kyerera hamwe nebindi nibo babaire nibakoresa ekisharara eki kandi abebyokwerinda hamwe nabebembezi ba Buhweju batandikire kubinga abatuura ababaire nibakoresa ekisharara eki.
Abebembezi bakwatanise nabatuura batemire emiti bigaza emifuregye hamwe nokwihamu ebihingwa okwenda kugaruzaho ekisharara ekyo nkomuranga gwa puresidenti weihanga arikuragira. Obwahati Celemesia Birungi orikukurira ebyobuhangwa omuri Buhweju nashaba abantu boona kuruga omu bisharara ahabwokuba ou baraije kukwata naija kutwarwa omumbuga zamateka. Oijuke ngu enshonga emwe eriyo neretera abantu omuri Buhweju bayongyera kutahirira ebisharara nahabwokushanga ngu omubaaro gwabantu gubaire mwingi kandi nahokuhinga tihariho ahabwokushanga ngu emyanya emyingi neyeshozi.
