GEN.MUHOOZI KEINERUGABA YARAHIRA KWATARIKUZA KWESIMBA 2026
Ruhanga amworekire ngu atesimba ahari Ishe kureka agumizemu nemirimo y'amahe
Amakuru ga Gen. Muhoozi Kainerugaba kurugayo akagambira ensi yoona kurabira aha mukutu gwe ogwa X okwatarikuza kwesimba aha bwa Puresidenti bwihanga rya Uganda 2026, kiriyo nikugambisa abantu ebihama. Gen Muhoozi orikwebembera ekigombe ekya Patriotic League of Uganda atwire nayetorora eihanga eri obwe arikurambura emirimo etaryemwe nemwe erikukorwa omwihanga eri.
Ogu bwanyima yokutandikaho ekigombe eki baingi bakamureba nkomuntu owabaire nayetekateka kwebembera eihanga eri obwe arikuhwerwaho Ishe. Ekigombe kya PLU ekibaire kiine obukiiko kandi kirikwebembeza ngu Gen Kainerugaba niwe puresidenti orikukurataho, obwahati ebigambo bya Gen Muhoozi kurugayo akashagiika Ishe kuba niwe yayesimba 2026, byabahenda omutima.
Nobu aba NRM bariyo nibateera kyakunini ahabwebigambo bya Gen Muhoozi, abarikuteera tooki omunshonga zebyobwebembezi omwihinga rya Uganda, niboreka oku batiine kwikiriza neki Gen Muhoozi ahandikire. Oijuke ngu Gen Muhoozi aizire arikugamba ebigambo bitari bimwe nabimwe ahabyobwebembezi bwa Uganda hamwe na Afirika obwe arikukoresa omukutu gwe ogwa X kwonka hakiza kuhwaho obwire bukye oshusha ngu tiwe yabigambire.
Obwahati abanya Uganda bariyo nibateera tooki omu bigambo bya Gen Muhoozi kurugayo akarahira kwatarikuza kwesimba ekibirikumanyisa wagyeranisa nebyatwire nagamba. Abamwe nibagiira ngu aka nakatego ka Puresidenti Museveni hamwe nomutabani kwenda kwetegyereza eki abanya Uganda namunonga abarikuhagira Museveni hamwe nomutabani ekibarikugamba.
Oijuke ngu Ruhanga otuura nayeyoreka omumiringo etaryemwe nemwe, niwe Ruhanga orugireyo akoreka Gen.Muhoozi kwatiine kwesimba 2026 kureka agumizemu nemirimo ye yokwebembera amahe.
Ekibuzo ekirikusigara ahari buryomwe nokugira ngu ekigombe kya PLU nikiza kusigara nkahi hamwe nabahagizi bakyo ababaire baine amatsiko ngu 2026 entebe yobwa Puresidenti neyabo.
