OKUREKURWA KWA DOREEN OWASHUKIRE OMUKOZI WE AMAIZI GARIKWOSYA NIKIREKA NKAHI OMUSHANGO OGU?
Ogu naija kuguma nahooza arikuruga aheru ya kooti, ekintu ekitashemeza abarubaju orwa Annita
Esabiti eyahwaire tukakowrekaho amakuru agabaire gari ag’obusasi ahu Doreen Atwongyirwe omushomesa weitendekyero rya BSU yashukire omukozi we amaizi garikwosya.
Doreen akaija kukwatwa poriisi nikwe kumuta enyima yemitehimbwa ahu amazire esande yoona. Eraizoba Kooti yarekura Doreen kuruga omu kihome ahatwire kumara esabiti yoona. Ogu omu maisho gomuramuzi yayemerwerwa obwe arikushashura sente zirikwingana 1.5M ezoburiho kandi abamwemerera babataho sente zirikwingana 10M ezitarizokushashura.
Ogu naija kuguma nagaruka omu kooti kwehozaho ekyaretera aborubaju orwa Annita Kansiime ou bashukire amaizi gakamwosya kugiira okutiina. Bamwe aha batayenda ngu amaziima gabo gahandikwe niboreka oku famire ya Doreen eriyo netinisiriza Annita obwe barikugiira ngu aine kurugayo akesasiza Mukama we Doreen ahabwokumubeherera ngu akamushuka amaizi hamwe nokumusisira eizina rya.
Okurekurwa kwa Doreen kurugirira aha bamateeka niboreka ngu nekyamaziina Doreen aine obugabe bw’okutunga beyiiro erikumwikiriza kuguma nahoza arikuruga aheru, kwonka eki obumwe nikiretera obujuriizi kuruga aha rubaju orundi bwateganisibwamu. Obwahati aba famire ya Annita baine okutiina kwamani bwanyima yokureba ngu kooti yagaruka yarekura Doreen omurundi gwa Kabiri kandi obwe ou yahikizeho obuzibu takatungire buyambi bwoona.
NOGIRA NGU OKUREKURWA KWA DOREEN TIKURAIJE KURETERA ANNITA ATATUNGA BURINGANIZA???
