EMYAKA 30 YA NUMA FEEDS ERIKUHEREZA ABANTU EBYOKURYA EBIRI AHA MUTINDO
Aba nibenda Gavumenti ebakwatireho obwe erikubashangika omu bintu ebibarikukora kwenda ngu bihike nomukatare kensi yoona
Nk’omuringo gumwe gw’okusima ba kasitoma abarikukoresa ebintu ebirikukorwa ekitongore ekya NUMA FEEDS ekirikushangwa omuri Kabwohe Munisiparite Sheema Disiturikiti, bagizireho ekiganiiro nabashubuzi abarikukorera emirimo yaabo omu matauni agari omu gureta ankole. Ekiganiiro eki kibaire aha hoteri eya Oxford Inn omukibuga Mbarara. Kurugirira ahari Matsiko Robert owatandikireho Numa Feeds omu mwaka gwa 1995, naagira ngu kibaire kitanguhi kuhisya emyaka 30 arikuhereza abanya Uganda ekyokurya ekiri aha mutindo gwensi yoona.
Ekiganiro eki ekibaire kirimu okwegyesa abashubuuzi abandi okubakubasa kukora bizinesi zaabo hamwe nokugira enkwatanisa nungi nabashubuzi abandi kuhwerire baingi kugira obibabuza aha nkurakurana ya bizinesi. Obwahati ekitongore ekya NUUMA FEEDS nikikora purodakiti ezirikurenga omuri mushanju zebyokurya ebiri aha mutindo.
Ceyamani wabashubuuzi ahabwekibuga ekya Mbarara Mwijuka Simon Sezi ashabire abashubuzi kuhindura aha bukodyo obu barikukoreramu emirimo yaabo yebyobushubuzi baaba nibenda kutunga obutare. Naagira ngu obwahati omurembe gwa what’sup hamwe nokukoresa zakanyabwegye , nigumwe aha muringo oguriyo niguhwera abashubuzi kuhiika bakasitoma babo ahu bari kutari kuguma nibabategyereza.
Enshonga yemishoro erikubatebwaho nayo egi abashubuzi bajigambireho barikworeka okuteganisibwa munonga kwonka eki Allan Buhanda orikukurira ebyobushubuzi ( commercial officer ) ahabwekibuga ekya Mbarara naagira ngu nikirungi abashubuzi nangwa nabantu baburaijo kuhereza omushoro, ahabwokuba omushoro ogwe nigwe gavumenti erikukoresa kukora nka enguuto.
Nikwe kushaba abukirikukwataho gwongyera bakashomesa abashubuuzi ebiika byemishoro ebi omuntu ashemeraire kuhereza neki birikwija kuyamba. Oijuke ngu oihireho okukora ebyokurya ebiri aha mutindo aba NUMA FEEDS bahwerire abantu obwe barikubahereza emirimo ahu obwahati ekitongore eki kiine abakozi barikurenga omuri 140 abarikukora emirimo etaryemwe nemwe obwe otebirwe nokukwatiraho abo abarikuba nibenda obuhwezi.
