BESIGYE YARETWA OMU KOOTI YEKINYAMAHE KWEHOZAHO
Besigye yagaruka omu kihome Luziira kandi naija kugaruka omu kooti ebiiro 02/12/2024 kwehozaho
Bwanyima y’emikutu yamahurire kwijura amakuru garikworeka oku Dr. Kiiza Besigye kwaburire omwihanga rya Kenya kandi kwarikutekatekwaho kuba akwasirwe amahe ga Uganda, aha shaaha mushanju zihangwe Besigye yarebukaho barikumureta omu kooti eyekinyamahe Makindye
Besigye ou bakwasire namutahi we Obeid Lutale barebukaho omukooti yamahe aha shaaha mushanju zeihangwa kandi aba batebwaho emishango myingi erimu okuteganisa ebyokwerinda omu Uganda. Kooti eyaaba eyebembirwe Gen Freeman Robert Mugabe yahurira oku ahagati y’okweezi kwa ikumi hamwe nokwikumi nakumwe nikigambwa ngu bakagiraho orukiiko omukibuga Geneva omwihanga rya Switzerland hamwe na Kenya bakagiraho ekiiko nekigyendererwa kyokurundana obushagiki bwebyokwerinda.
Kooti yekinyamahe yagaruka yayoreka oku aha biiro 16/11/2024 Besigye namutahiwe Lutale obu babaire bari aha Riverside Apartment omuri Nairobi bakashangwa baine pisito eibiri ezekika kya 27KAL No. 765 and HB 1014 1953 omu bihenda birangiro.
Dr. Besigye hamwe nabandi tibabasa kutunga okweyemererwa nikwe kumwohereza Ruziira kandi naija kugaruka omu kooti aha biiro 02/12/2024 kwehozaho.
