BAKAMBUZAHO AHABW’OKUTUNGURA EKIBIINA KYA NUP BUREGYE RWAIZOBA-BRIGHT MUHUMUZA

Habaire hahwireho ebiiro 2 kuruga bakwata Bright Muhumuza owekibiina ekya National Unity Platform (NUP) kuruga ebiiro 18/03/2025 obu atwarwa abantu ababaire bari abeby’okwerinda.  Ogu bwanyima yokumara ebiiro 2 abuzire biziire kumunaga haihi namakage agarikushangwa omuri Kakoba Alliance aha shaaha burikushesha eraizoba orwakatano shaaha 4:30 zekiiro.

Bwanyima yokutunga amakuru twahiika omuka ye ahu twamushanga hamwe nabandi bebembezi abekibiina kya NUP bebembirwe Tukamushaba Jackline Jolly ori omuhwezi wa puresidenti ahabwa Buregyerwaizoba. Bright yatugambira oku byagyezire obwe turikumubuza ebibuzo ebi;

Tugambire ekyabireho Bright?

Nkaba ndi aha hotel eya Kalabash omuri Mbarara aha shell eya Kashari ndukutunga ekyokurya. Niho abashaija babiri bizire bakangira ngu naba JATT nibanyenda ahabwokuba mukama waabo yabamutuma. Kunabagizire ngu reka ntere esiimu, bakahiika nibaginyaka nikwe kureeba abandi basigazi nka mukaga bakwise ebundu ya pisito  bakwata kifuba barikutwara omu drone number UAK 707G nikwe kuntaho empingo.

Kubakutiire omu drone bakakuta nkahi?

Buzima kubampikiize omu drone bakankoma ekyenda aha maisho ebyakurasireho tindabikyengire ahabw’okuba bakaba bantiremu za kibooko hamwe nempi. Kutwagyenzire orugyendo ruhango nkahurira motoka yayemerera nikwe kutamu abandi bantu abuntaramanyire ahabw’okuba bakaba bankomire aha maisho, mpaka Mbuya. Kuza kumanya ngu ndi Mbuya nkagambirwa abasibe abandi abunashangireyo omukihome.

Omukihome okashangayo ki?

Yamaweee!!! Nkashanga abantu barikurenga 500 boona baryokwe tibarikumanya obu baragarukye owabo. Kubwasheshire banteka aheru nikwe kututera ebishushani hamwe nabandi basibe bwanyima bankatwara omu offisi zaabo nikwe kutandiika kumbuza ahabweki naresiire Kyagurani Sentamu (Bobiwine) omuri Ankole? Kandi ekindi ekindikutekateka nahabw’okushanga ngu tukakora obushagiki bwamani omuri Isingiro ekyaretiire abebembezi ba Isingiro bagiira okutiina ahabw’okuba aba mahe babaire nibambuza ekyatutwire Isingiro niki?? Ekyabuzima Nkaba taine ekyokugarukamu, ahabwokuba ekibiina kya NUP kihandikirwe nkekibiina kyobutegyeki omu Uganda bwenu okukihagiira tikureba gwaba guri omushango. Nkwonka wareeba kuriya warugayo buzima noba oine kusiima Ruhanga ahabw’okuba bari abashaija nabinazi benyini ahabwokuba enkoni ezirikuba ziri omu drone egyo tizakabahoga!!!

Bwanyima yebyo byoona ahakakuratahoki?

Bwanyima yebyo byoona kubaho bakama bangye aba NUP bakozire ekirikubasiika kureba ngu eihanga ryoona ryamanya oku mbuzire kandi nomwishengyero rya Uganda orikwebembera orubaju orurikuhabura Gavumenti akiburize ahabweki nibakwata abantu barikuhagiira ekibiina kya NUP?

Oizire ota kuhiika omuka yawe?

Kubagiire kundekura bangira ngu haaza nitumanya ngu noza kuza aha kitebe kya NUP kubagambira byoona ebyorebiire, mbwenu titurikwenda ngu ozeyo kureka nituza kukutwara mpaka owawe Mbarara. Nkonka wareeba esati ei batwariremu okwebaire nushushan nibwe orikumanya ngu abashaija aba tibanguhi nabiisi benyini! Nubu babaire batakwenda ngu ze aha kitebe kya NUP, kwonka niza kwija kuzayo aha rwakabiri weeki erikwija.

Mbwenu ekirikukurataho niki?

Nyowe okuhagira ekibiina kya NUP timushango kandi ninyija kugumizamu ndikuhagiira mpaka. Ekindikushaba abantu boona nokugiira ngu bagume ahabwokuba abari omu gavumenti egi barebiire Amani agu NUP aine batandiika kutiina kandi twine amatsiko ngu eshaaha yoona gavumenti egi nituza kugihaho.

Tukamushaba Jackline Jolly ori omuhwezi wa puresidenti ahabwekibiina ekya NUP buregye rwaizoba, yashaba abarikuhagiira ekibiina kya NUP kuguma baine Amani ahabw’okuba ekibiina kya NRM obwahati ebibarikukora byoona nibakwata nibiragara. Okubuzaho abahagizi ba NUP okwe nokwenda kutinisiriza ngu abantu barekye kuhagiira NUP kwonka ekyo tikiraije kubasiika.