ABASIRAMU BARIKURENGA 5,000 BATUNGIRE EKIHUURO KYA ROYCO EKYOKUHENDERA EKISIIBO RAMADAN
Ehuruuru eya Share Goodness ahwerire abasiramu barikurenga 5000 kwetorora eihanga.
Abasiramu abarikurenga 5,000 kuruga omu misigiti 25 omwihanga ryoona nibo batungire ekihuuro ekya Royco omu huruuru ebaire namanywa nka Share Goodness kuruga omukitongore ekya Unilever Uganda.
Ekitongore ekya Unilever Uganda bakozire eki nkomuringo gumwe gw’okuhweraho abasiramu ababaire bari omukisibo kyabo kandi omukoro gw’okuhendera ekisibo eki gukorirwe aha kitebe kikuru kyobusiramu ekya Uganda Muslim Supreme council aha rwamukaga ebiiro 29/03/2025.
Bimwe aha bintu ebi babaire nibahereza abasiramu harimu buuto, omuceeri, ebihimba, hamwe nekirungo kya royco mucuuzi mix. Omukoro gw’okuhendera ekisiibo eki hamwe nokugabira abasiramu ebintu by’okuteka, gubaire aha kitebe kikuru ky’obusiramu ekya Uganda Muslim Supreme Council omuri Kampala ahu abarikwebembera ediini y’obusiramu hamwe nabakuru kuruga omukitongore ekya Unilever Uganda bahikire aha mukoro ogu.
Sheikh Mutyaba Abdusalam, ori Imam wa Uganda Muslim Supreme Council asiimire ekitongore ekya Unilever ahabw’okusiburura abasiramu omwihanga ryoona. Naagira ngu omu huruuru egi eya Share the Goodness abasiramu babasize kutunga eky’okurya kandi bamanya namakuru ga Eid Al fitr.
Grace Nandawula, Head of Customer and Strategy Planning at Unilever Uganda arikugamba aha mukoro asimire ediini y’obusiramu ahabw’okukwatanisa naabo omu kubahereza eby’okurya by’okusiburuuka.Naagira ngu nka bakozi ba royco nibakora ekirikubasiika kureba ngu ba kasitoma babo batunga ekibarikuba nibenda kandi ekiri aha mutindo. Omu huruuru eya Share Goodness barebukire ngu bahereza abasiramu ebyokurya ebi bire biri ebyomutindo
Omu bwire obu obwekisiibo ekirungo ekya Royco tikikomire aha kuhereza abasiramu eby’okurya by’okusiburukiraho byonka , kureka bagumizemu nokuhereza abasiramu ebirabo ahu abasiguzi babaire nibetungira omugisha gw’okuza omu super market bakagura ekibarikwenda. Abahanguzi abatungire akakongi kokubatwara omu super market kugura ekibarikwenda, naabo ababaire nibehayo bakarundanira abasiramu eby’okurya byokusiburukiraho hamwe nokusindiika sente aha mobile money nkomuringo gumwe gwokuhwera abo abatarikwebasa.. Abahanguzi babasize kwetungire ebintu birungi kuruga omu super markets 30 omwihanga ryoona.
Ekihuuru kya Royco eki abasiramu babaire nibatungira aha misigiti etaryemwe nemwe kirekiire baingi bagiira okwikiiza ngu Royco nikyo kiruugo kyonka eki omuntu Weena aine kukoresa kyahiika aha kuteeka omuby’okurya byoona.
