ABA ROYCO BAHINDWIREMU OMUNDEBEKA YA RYOCO TUBES KUHWERAHO BAKASITOOMA BABO,

Ekitongore ekya Unilever Uganda ekirikukora ekirungo ekya Royco kihindwire aha ndebeka ya royco tubes nkomuringo gumwe gwokuhwera abashuubuzi hamwe naba kasitoma ababaire nibakoresa ekirungo eki. Obwahati royco tubes bazikozire omu muringo ogurikuhwera omushubuzi hamwe na kasitoma kwaguuha kutunga ekirungo eki obwe barikukita omu kapapura akarikwanguha ningashi akarikumanywa nka Royco string pack.

Omukoro gw’okutongoza endebeka ensya eya royco tubes omuri Mbarara gwakorerwa omu tauni eya Rwebikona ahu abantu bayehangurira ebirabo bya royco ensya hamwe na za Tshirts.

Grace Nandawula ori kituuzi wa Unilever Uganda yagambira abanya Mbarara oku ekitongore kihurikirize okushaba kwaba kasitoma hamwe nabashuubuzi barikubashaba ngu bahindure omundebeka ya royco. Eki nikyo kigyemeseraize ekitongore kuhindura omu pakegi ya royco obwe barikugiita omu kaveera akarikuhwera kasitoma hamwe na nomushubuzi.

Obwahati royco tubes ensya epakingire omu kasaketi akarimu obuntu 12 obu omushubuzi arikubasa kuhaniika omu duuka ye kuhwera kasitoma kurahuuka kureba ekirungo eki,ekiraije kuguma aha beeyi yakyo eya sh100 buri kamwe.

Aha mukoro ogu habaaho empaka zokuteka obwe barikukoresa ekiruungo kya royco kandi abahanguzi bayetungira ebirabo.

Orikwebembera ekitongore ekya Unilever East Africa Luck Ochieng kuruga omwihanga rya Kenya kandi obaire ari omugyenyi mukuru, asiimire abantu ba buregye rwaizoba ahabwokukunda ekirungo kya royco. Naagira ngu Royco emaziire emyaka myingi kandi abanya Uganda nibakunda kugikoresa kyahiika omukuteka. Nkekitongore nibenda kugira enkwatanisa nabahingi kuruga omu Northern Uganda abaraije kuhinga ekihingwa ekibarikukoramu royco.