NRM OMURI BUHWEJU DISITURIKITI KUGARUKA NAMANI MAINGI
Nitwenda mukuru weihanga agarukye omuri Buhweju ahabw'okuba akatwanga
Bwanyima y’ekigombe kya NRM kugiraho akaruru kokuronda abebembezi abarakwatiire ekigombe embedera hamwe nabo abaratware emirimo y’ekigombe omu maisho. Aba disiturikiti ya Buhweju borekiire okubarikuza kutandikiraho obwe barikuronda obushagiiki bw’ekigombe eki omu bantu.
Ebi byoona abebembezi ba Disiturikiti egi babigambire obu babaire beteranire aha offisi za NRM omuri Buhweju ahu babaire nibakwatsa owasingire akaruru kobwa ceyamani Buhweju Disiturikiti ebikwatso by’okukora.
Bakaija Evarlisto otwire ari ceyamani wa NRM kuruga 2015 niwe ahireyo ebikwato obwe arikubikwatsa Kabandize Godfrey owamusingire. Everlisto arikuherezayo obutumwa bwe ayorekiire oku Buhweju etungire ceyamani oine Amani akndi otwire nakorera ekigombe kya NRM. Bakaija obwire obwamazire ari ceyamani wa NRM akozire omurimo muhango otiiremu okwombeka ekitembe kya NRM omuri Buhweju ekyarikugiira ngu kugaba gutari murimo gworobi. “Nobu barabe basingire kwonka ebyokwesimba nkaba mbirugiremu ahabwa magara gagye kuba makye. Abayehireyo bakampa akaruru nobu ndabe ntarakaronzire mwebare munonga abawentunguka ya NRM omuri Buhweju” Bakaija arikugamba.
Nobu NRM atwire aine obukiiko bwoona omu Disiturikiti ya Buhweju, kandi barikuhereza puresidenti Museveni akaruru ka 90%, okugiira abebembezi abarikuhagiira ekigombe kya FDC omuri Buhweju kikaretera mukuru weihanga yabarugamu.
Kabandize Godfrey obwahati ori ceyamani wa NRM omu Disiturikiti ya Buhweju ayorekire okwarikuza kuretaho enkwatanisa nungi ahagati yabebembezi ba Disiturikti ya Buhweju hamwe nabarikwebembera ekigombe kya NRM. “Hatwire hariho obutakwatanisa gye omu bebembezi ba NRM hamwe nabakozi ba Disiturikiti. Hati obu nibwe obwire kugaruza NRM.”
Kabandize naagira ngu abarikwebembera okuteeza akaruru omu disiturikiti ya Buhweju namunonga omu kigombe ekya NRM bakakora omurimo muhango gwokureba ngu abantu batamwa NRM ahabwokuba bakaba baragirira ebitaribyo kiretera abamwe bagaruka betaine ekibiina. Obu nibwe obwiire bwokukorera amaziima ahabw’okuba nitwenda Puresidenti Museveni agarukye omuri Buhweju.
