MUREKYE KUTUMANYIRA!!!-ABASHOMESA ABA ARTS NIBENDA GAVUMENTI EBONGYERE OMUSHARA
Omukushomesa twihemu ebishomesa hamwe nabashomesa
Omu 2017 mukuru weihanga akaragiira minisiture yebyobwegyese hamwe nemizano kwongyera abashomesa ba science omushara. Ekiragiiro kya mukuru weihanga minisiture yeby’obwegyese ekakita omunkora omu 2021 ahu abashomesa ba sayansi batungire omushaara gwa 3M kuhisya 4M.
Ekigyendererwa kyokuhereza abashomesa ba sayansi omushara muhango kurugirira ahari mukuru weihanga kikaba kiri eky’okwongyera ebya sayansi hamwe nokuhangahango Amani. Eki kikaretera abashomesa abatari ba Sayansi bagira okwebuza kwamani nangwa nabamwe bahiika aha kutamwa emirimo yaabo ahabw’okuba eki mukuru weihanga yashaziremu kukaba kuri okubajoga.
Eirizooba 12/06/2025 abashomesa bamashomo agatari ga science kuruga omuri Ntungamo hamwe na Sheema bayesharinga barikoreka okuhatariho buringaniza rwagati yabo nabashomesa bebya sayansi kyahiika aha byomushara ogu barikutunga buri kwezi.
Abashomesa aba nibagiira ngu naabo bakashoma nkaba science okubashomire kandi emiturire yaabo nemwe ahabwokuba nibashomesa omu mashomero ningo gamwe kandi nobwegyese bwabo nibumwe. Obwahati aba barahiira barikworeka oku barikuza kuta ebikozeso byabo ahansi mpaka ahu Gavumenti erarugireyo ekahurikiriza ebizibu byaabo.
Obwahati yahiika emyaka 4 abashomesa aba barikuherezayo okwetombwita kwabo barikushaba gavumenti kubongyera emishara baitu nahati tihaine kibatungyire..
