OKUMARAHO OKUHAMBA ,OKUTOROBOOZA HAMWE NOBUTABANGUKO OMU MAKA- EKITONGORE EKYA NYAKA GLOBAL KIHWERIRE ABA KANUNGU-KIHIHI
Kurugirira aha rwipoti eya poriisi ey’omwaka 2024 neyoreka oku emishango yomumaka erikwingana 14,073 niyo eibatungire. Eki nikimanyisa ngu obutabaguko omu maka nemwe aha nshonga erikuretera abaana batoroboozibwa, abamwe bahabwa kandi nabakazi bateerwa munonga. Eki nikyo kirikugyemesereza ekitongore ekya Nyaka Global kyarugayo kuhwera abo abarikuba batungire okurabanisibwamu omushonga ezikwatiraine nobutabanguko omu maka.
Obwahati abantu barikurenga 1400 nibo batungire okuganyirwamu omu kitongore eki kyahiika ahakubakwatiraho ahanshonga zokumaraho obutabanguko hamwe nokuhumuriiza abo abatungire ebizibu ebikwatiraine nobutabanguko omu maka.
Nkomuringo gumwe gwokurwanisa obutabanguko omu maka, aba eraizoba bagiraho okutambura omu tauni ya Kihihi nomuramwa gurikugiira ngu “turekye okutuntuza abakazi n’abaishiki omu by’okuteerana, hamwe nitubaasa kukora empindahinduka”. stop sexual violence against women and girls, together we can make a difference. Ogu gwaba guri omurundi gwa kashatu barikutambura obwe barikuragirira omuranga ogu kandi nibaza kuguma nibakora eki buri mwaka.
