HACO BRANDS SOsOFT HAMWE NA AMARA BATUNGIRE EKICONCO KY’OMWAKA EKYA PEOPLE’S CHOICES WARD 2025

Kampuni ya Haco Brands nemwe omu kampuni eziri omwihanga rya Uganda ezitungire ekiconco kyomuhendo, bwanyima yokurangirirwa kuba nibo basingireyo kukora ebintu birungi ebi abanya Uganda barikukunda kukoresa. Omu bintu ebi Haco Brands barikukora ebiretiire basing ekiconco kya People’s Choice Awards 2025 harimu sabuni eya Sosoft Fabric softener hamwe namajuuta ga Amara skin care.

Kampuni ya HACO neejaguza obusinguzi bwemirundi ebiri omu mpaka z’ekitiinisa eza People’s Choice Awards 2025, ahu ebintu bibiri ebikuru ebibarikukora omu kampuni yaabo ebirimu Sosoft Fabric Softener na Amara Skin Care.

Ekitongore kya Sosoft fabric softener kitungire ekiconco kyokukora sambuni erikukirayo oburungi kandi  ekya Amara kikaheebwa ekiconco kyokukora amajuta agarikukirayo oburungi aharyabo abarikugakoresa.

Aha mukoro gw’okuheerezayo  ebirabo ebi ,Albanus Musau, manegya wekitongore ekya Haco omu Uganda, agiziire ngu “ okutunga ebihembo ebi nobuhame oburikworeka obwesigye obu abanya Uganda baine omu kitongore kya HACO. Amara neejwekyera oburungi, okureeberera, hamwe n’obwesigye bwa buri munya Uganda. Okumanywa oku nikutuhiga kugumizamu nitujumbura n’okutunguura ebintu by’omutindo, ebirikukorwa kuruga omu bintu byitu ebyobuhangwa, ebimwe ebirikuruga omwihanga. Kandi twehaireyo kureeba ngu ebintu byaitu biri omu mikono mirungi.”

Eugene Too, orikukurira kampuni ya HACO Industries naagira ngu “ okuhiika aha businguzi bwemirundi ebiiri nibworeka ekirooto kyaitu ky’okuba ekitongore ekirikukirayo kukundwa omwihanga butakahikire  2030. Nk’eikorero ry’ebintu eririkukora ebintu ebiri aha mutindo gwahaiguru, behireyo kukora ebintu ebiri aha mutindo gwensi yoona kandi byesente kye ezi omunya Uganda arikubasa.

Minisita Betty Among ow’ekikura ky’abantu, abakozi hamwe n’entunguuka y’abantu omu kabineti ya Uganda, asiimire kampuni ya Haco hamwe n’abatebekanisa ahabw’okworeka omugasho gw’ebintu ebikozirwe omu Uganda omu by’entaasya.

Betty Among asimire ekitongore ekya  GICA ahabw’okucondooza aha bintu ebirikukorwa omwihanga, kandi ayongyeire yasiima HACO ahabw’okusingura ebiconco ebi. Eby’obushubuzi ebirikukorerwa omwihanga, nibyo bikuru munonga omu by’entaasya yaitu. Hatariho ebintu ebyo, nitubaasa kuhikwaho eibura ry’ebintu eririkubaasa kwongyera aha butabanguko, nk’oku kirikureebeka omu mahanga agandi.

Amakorero nka HACO tibarikukoma aha kukora ebintu ebirungi omwihanga kureka nizitandikiraho abanya Uganda emirimo.

Okutunga ekihembo eki ekya People’s Choice Awards nkirugirire aha kucondooza okwakozirwe omu Uganda obwe barikubuza enkumi nenkumi zabantu abarikukunda ebintu ebi. Okumanywa kwa HACO nk’ekitongore ekirikwebembera akatare, nikyoreka enkoragana yaabo hamwe nabantu ba buraijo obwe otebirwe omugasho gwabo omu magara ga buraizoba.

Oijuke ngu kampuni eya HACO n’emwe aha kampuni ezirikukirayo kukora ebintu ebirikugyenda omu maisho omuri East Africa, COMESA na ECOWAS. Ekitongore kya HACO kikatandiika omu mwaka gwa 1970 kirikukora ebintu bikye ebi omuntu arikubasa kukoresa omuka ye kwonka obwahati kigumire nikitunguka obwe barikukora ebintu ebiri aha mutindo gwensi yoona.