PARENTAL CARE BUSHENYI KUJWEKYERA UGANDA OMU MPAKA ZA AFRICA, EZA SPELLING
Empaka za Africa niziza kuba omwihanga rya Algeria
Nebya : Ainebyoona Duncan
Eishomero erya Parental Care Nursery and Primary school erikushangwa omu Disiturikiti eya Bushenyi rirabireho kujwekyera eihanga rya Uganda omu mpaka za Africa eza Spelling. Empaka za Africa ezomwaka ogu niziza kuba omwihanga rya Algeria ahu abeegi 6 kuruga ahishomero eri barajwekyere eihanga rya Uganda.
Oijuke ngu Parental care primary school hamwe na St Mukasa preparatory seminary Mushanga erikushangwa omuri Sheema Disiturikiti nigo mashomero agajwekiire ekyanga ekya Ankole bwanyima y’okusinga agandi omu mpaka ezabaire ahishomero rya St.Cecilia Girls Vocational Bushenyi.
Empaka ezi nizimanywa nka National spelling Bee competition kandi omwaka 2023 Parental Care nabwe akakoragye bwanyima y’okusinga amashomero gamani agarimu GreenHill academy hamwe na St Mary’s Namagunga omuri Kampala.
