CADRE MUCUNGUZI N’OMUSHUMA NAYENDA KWIBA EITAKA RYEFUZI – SHEEMA
"Tukamuhereza ngu abe narisizamu bwanyima yokufa kwa taata waitu yatwehindukana"
CADRE MUCUNGUZI NOMUSHUMA NAYENDA KWIBA EITAKA RYEFUZI – SHEEMA
Nebya : Duncan Amanya
Owabaireho omujwekyerwa wa puresidenti ninga shi RDC Cadre Mucunguzi Geofrey bamukwasire arikwenda kuteza ekyapa, eitaka ryefuzi omuri Sheema. Abatuura kuruga omukyaaro kya Nyabirerema ekirikushangwa omuri Sheema munisiparite nibo bagweriirwe akagwe obu bashangire Cadre Mucunguzi abaire ariyo naaza kuteeza ekyapa, eitaka ryefuuzi ahu Ceyamani amwimire stamp.
Kurugirira ahari Rosette Kamukama hamwe na Hope Kamukazi abaana bomugyenzi George Mwirima, nibagiira ngu Cadre Mucunguzi ariyo nababinga ahitaka eri abazaire babo babahire. Ekyokutangaza nokushanga ngu Mucunguzi akakoresa kifuba yahinga ebicoori hamwe nomwani omwitaka eritari rye.
Kurugirira ahari Rosette hamwe na Hope nibagiira ngu, ishebo kuyafiire bwanyima bikirizingana na Cadre Mucunguzi abe narisizamu. Ekirikubatangaza obwahati nokushanga ngu kubarugireyo ngu nibenda kukoresa eitaka ryabo, yabagiira ngu hatagiira owarikwataho ninga kurabamu.
Ceyamaani w’entebbe y’okubanza ahabwa Nyabirerema, Moses Tumwiine ahamize amakuru obwe arikugira ngu Cadre Mucunguzi akamuhikirira ngu amutereho stamp ahitaka eryabaire ritari rye ngu nayenda kukoresa ekya. Ceyamani ahabwokuba omwebembezi murungi tabasize kwikiriza eki Cadre Mucunguzi abaire nayenda.
Cadre Mucunguzi Geoffrey orikugambwaho kutwamuhikirira aha siimu yahakanisa ebirikumugabwaho obwe arikugira ngu bariyo nibamusisira eiziina kandi abo nibenda kumwibira eitaka. Ahu turikugambira ebi abamwe batirwe abarikugyezaho ngu niborekyeza eitaka eryo akakumu batirwe enkoni ezitarikubarwa.
Obwahati abaana bomugyenzi nibenda abebembezi ba Sheema disiturikiti hamwe na mukuru weihanga Puresidenti Museveni batahe omushonga ezi.
