REKA KUTAGURA EKIBIINA N’OBAASA KUBA OGARUKIRE AHA RUBAJU- PRESIDENTI MUSEVENI YAGAMBIRA HON.MOLLY ASIIMWE.
NEBYA: Omunyamakuru waitu
Mukuru weihanga obu yaba naronda obushagiki bwokumwogyera ekicuuro endaijo yokwebembera eihanga omu kishayi ekya Bujagao muri Ndeija Butaraniro Rwampara Disiturikiti. Yagambira orikujwekyera abakyara omwishengyero rya Uganda ahabwa Rwampara Disiturikiti Molly Asiimwe, kwarekyereho okutagura ekibiina kya NRM. Puresidenti yaagira ngu Molly otwire ari omunyishengyero wa Rwampara kandi omuntu omurokore. Nahabwekyo ekyokumusinga akagaruka nkomuntu otaine ekigombe kandi obwe atwire ari owa NRM, nekintu ekirikushaza kandi ekitarimu obwaruhanga. Nikwe kumushaba ngu ayesigye Ruhanga yaba ari omurokore .
Ebi Mukuru weihanga y’abigamba obu yaaba nakwatsa ebendera y’ekibiina kya NRM aharyabo abasingire akaruru abarimu; Amos Kakunda, Julius Karuhanga hamwe na Annah Kansime.
Puresidenti Museveni arikubuganaho abantu ba Rwampara aha kishayi kya Bujaga, yaboreka oku ahereruka kuraba omuri Bujaga omu mwaka gwa 1957 obu yabaire aizire kureba omu mpiira ahu obwahati haba hawaho emyaka 68.
Obwire obwamaziire omu bwebembezi eguudo amashanyarazi gabasize kuhiika abantu ba Rwampara. Aba yabaraganisa kwarikuza kutungura oguudo ezirimu Buteraniro-Bugamba -Rwoho, Rukoni -Kitwe hamwe noruguudo rwa Ruti Mwizi -Kikagate. Amagomborora goona obwahati omuri Rwampara garimu amarwariro agaharurengo rwa HCIII, kandi basigaire kutungura HCIV kuza aha rurengo rwa Disiturikiti.
