ISHABARAMUZI ALFONSE OWINY DOLLO YAHUMURA EMIRIIMO Y’OBURAMUZI
Engyenderwaho eihanga erikutegyeka ekitongore ekiramuzi neragiira omuramuzi kuhumura yahisya emyaka 70 y'obukuru
NEBYA: LILIAN AINEBYOONA
Alfonse Owinyi Dollo otwire ari ishabaramuzi wa Uganda yahumura emirimo ye bwanyima y’okuhisya emyaka 70 nkoku amateka agarikwebembera akacweka ka 144(1) karikugamba.
Alfonse Owiny Dollo akazarwa ebiiro 18/01/1956 omu Disiturikiti ya Agago, kandi omurimo gwokuba omuramuzi wa kooti enkuru akagutandiika omu 2008 obu bamutorana nkomuramuzi wa kooti enkuru.
Omu 2015 bakamukuza bamutwara omu kooti ejurirwamu ahu yarugiire erikuhebwa obwa obwokuba omuhwezi wa Ishabaramuzio mu 2017 arikuza omu bigyere bya Steven Kavuma. Okwezi kwa munana 2020 Alfonse Owiny Dollo bakamutoraana kuba ishabaramuzi obwe arikuza omubigyere bya Bart Katureebe bwanyima y’okuhumura.
Eky’okutangaza nokushanga ngu yaruga omu offisi egi batakaronziree oramuze omu bigyere. Kutwaganiraho nomuhandiki mukuru kuruga omukitongore ekiramuzi, Dr Rose Nassali yatuhamiiza oku bariyo nibaza kuronda Ishabaramuzi omusya.
Yayoreka oku orikuronda ishabaramuzi kwari mukuru weihanga kandi otwire ari omu by’obururu, kwonka tikiraije kutwara obwire burangwa kuronda ishabaraamuzi omusya.
Obwahati bamwe omu baramuzi abakuru abu barikureba ngu babasa kutwara entebe egi harimu; Mike Chibita, Catherine Bamugemereire, Monica Mugenyi, Christopher Madrama, hamwe na Flavian Zeija obwahati ori omuhwezi wa Ishabaraamuzi.
