Nebya: omunyamakuru waitu
Akagwe kagwerire abeeka ya Pamela Tumwebaze hamwe nitendekyero erya (Uganda Christian University) UCU bwanyima y’okutunga amakuru gw’okufa gwa Pamela Tumwebaze obaire nakora nka Dean of students.
Pamela Tumwebaze emyaka 46 y’obukuru aisirwe abatemu ekiiro kyorwa kabiiri ebiiro 10/02/2026 omu maka ge agarikushangwa omuri Guafu West Village, omu woodi eya Seeta divijoni Goma Mukono disiturikiti.
Kurugirira aha rwipoti ya poriisi eya Mukono fiyiro namba CRB:195/2026 neyoreka oku omugyenzi abaire natuura nabaana be 2 hamwe nomukozi Sharif Lwantale owemyaka 20 y’obukuru.
Nikigambwa ngu Tumwebaze agarukiire omuka eshaaha 10:00 zekiiro aine abaana be ahu omukozi yabasize kumwigurira aha geti. Nikitekatekwa ngu abazigu babasa kuba bakoraise akaire ako bakataha omunju.
Kurugirira ahari Poriisi “neyoreka oku abinazi bamushangire omunju ahagati ya shaaha munana zekiiro nikwe kumwita. Bwanyima y’okumwita okucoondoza nikworeka oku abiinazi aba bashabire omukozi ebishumuruuzo kwigura orwigi rwahamuryango”. Omukucoondoza okukozirwe ebitongore by’okwerinda nikworeka oku abinazi aba bagyenzire na Laptop bag ebiire erimu ebintu bitakamanyirwe.
Bwanyima yabinazi aba kugyenda, omukozi ahikiire omukishengye kya mukama we Tumwebaza ahu ashangire abinazi bamuniganinga. Nikwe kuteera enduru ahu Tumwebaze bamwirukangiza omwirwariro Namirembe Hospital, ahu aferire. Poriisi muri Mukono eriyo nekora ekirikubasiika obwe erikucoondoza abainazi abakozire eki.
