NOOHA ORYENYIMA YA NAMUGANZA NA NOBERT MAO AHA KYA SIPIIKA???

NOOHA ORYENYIMA YA NAMUGANZA NA NOBERT MAO AHA KYA SIPIIKA???

Nebya : Arnold Natumanya

Nobu ekibiina kya NRM kirugireyo kikarangirira oku akakiiko ka CEC kahingwize Anet Anitah Among kuba sipiika weishengyero rya 12 obwe arikuhwerwaho Thomas Tayebwa. Tikiremaise abanda kurugayo bakoreka oku barikwenda entebe egi.Obwahati amani gari ahagati ya Nobert mao hamwe na Namuganza abarikwenda kwiha Among omu ntebe egi.

Aha biro 20/07/2022 ekigombe kya NRM kikakora omukago nekigombe kya DP, ekirikworeka ngu ebi NRM erikuba ehingwize aba DP hamwe na UPC nibaba nibabihagira. Ekigombe kya UPC nakyo kitwire kine endagano yokukoragana nekigombe kya NRM kumara obwire buraingwa nobu Jimmy Akena arugireyo akaoreka oku bataraije kugumizamu nenkoragana na NRM   

Ekirikutangaza obwahati nokushanga ngu Hon. Mao otwire ari minisita hamwe na Hon. Namuganza bombi barugireyo bayoreka okubarikwenda obwa sipiika  ebigombe byabo nibikoragana nekya NRM, ekirugireyo kikarangirira oku bahinguza Among.

Obwahati abebembezi kuruga omu NRM, DP, UPC FDC, NUP hamwe nebindi bigombe nibebuza orikushagiika abantu aba nooha?? Oijuke ngu Nobert Mao bwanyima yokukora omukago nekibiina kya NRM, akarugayo arikugamba oku arikwenda kuhabaho okuherezayo obwebembezi obundi omubusigye (peaceful transition) ekintu eki bamwe batararahukiire kwetegyereza..

Obwahati abanyishengyero bataribamwe nabamwe barugireyo bakora obu vidiyo barikugamba okubarikuhagiira sipiika Among ahabw’ebirugi eby’abakorire nebyarikuza kukorera eihanga. Nobu ebi byoona biriyo nibigyenda omu maisho abarikuteera tooki omu by’obwebembezi nibagiira ngu okwija kwa Namuganza kubasa kuretera Hon. Anitah Among obururu bwe bwaba ganisibwamu ekirareteere Nobert Mao yasinga akaruru kw’obwa Sipiika.