ABATUURA 300 BABIGIRWE OMWITAKA OMU DISITURIKITI YA BUHWEJU. NIBAJUNANA ABEBEMBEZI BABO KUBARYAMU ORUKWE

ABATUURA 300 BABIGIRWE OMWITAKA OMU DISITURIKITI YA BUHWEJU. NIBAJUNANA ABEBEMBEZI BABO KUBARYAMU ORUKWE

Nebya: Juliet K

Obutikirizingana bubarukireho ahagati yabatuura abomukyaro ekya Kibarya omu tauni kanso ya Nyakashaka bwanyima yokutunga amakuru oku  eitaka ryabo eririkwingana hekiteya 25 ezibatwire nibakoreraho emirimo yabo kumara emyaka erikurenga 70 bazigurize ekitongore ekya Olympus farms East African ltd.

Abatuura aba nibagira ngu eitaka eri rikaba riri eryakarandaranda nikwe kwekoramu ekigombe ekya Muziira Mukundane society obwe barikuguma nibakoresa eitaka eri barikuhingamu hamwe nokurisizamu amatungo gabo.

Obwahati abatuura aba nibajunana abebembezi babo abarimu obaire eri ceyamani wa Muziira Mukundane society Mubangizi John Jones ahabwokubaraba enyima akahereza  abekitongore ekya Olympus Farms East Africa ltd eitaka eri kurikoresa kumara emyaka 25 batakukimanya.

Ebihandiiko nibyoreka oku eitaka eri ryatwirwe abekitongore ekya Olympus omu kwezi kwamushanju 2023. Bamwe aha batuura abutugambireho naabo bagizire ngu eshonga ezi bakazitwara  omubebembezi babo byabarema nikwo kuza omu offisi ezahiguru nikwe kutunga embaruha ebaruha ezabaire nizibikiriza kugaruka omwitaka ryabo bakarikoresa, kwonka eki tikiremise abaserukare kuguma nibababinga.

Kutuhikirire abekitongore ekya Olympus East Africa ltd maneja orikumanywa nka Ruhanga Ariho aikirize okubatungire eitaka eri omubuteka kumara emyaka 25 barikurikoresa. Tumwebaze Godfrey  ori omuhwezi wa RDC ahabwa Buhweju Disiturikiti ashabire abatuura kugira okugumisiriza  obwe bariziire rwipoti kuruga omu kitongore ekya anti-corruption unit abarugire kwija bakarambura itaka kandi bakapima ekyapa. Oijuke ngu abatuura barikurenga 300 nibo bariyo nibabingwa ahitaka eri omu disiturikiti ya Buhweju