MUMANYE EBIGYENDERERWA BYABAJUNGU NESENTE ZIBARIKUTUHA- MUSEVENI
Afirika mwine kwimuka muketungura kutari kurinda abajungu kubategyeka omuri burikimwe
Mukuru weihanga rya Uganda Yoweri Kaguta Museven nayenda abebembezi bamahanga ga Africa kwimuka baketegyereza hamwe nokumanya ebigyendererwa bya mahanga gaheru agarikuhereza sente za rooni amahanga ga Afirika. Ebi abigambire obu abaire naherezayo sipikii yoruterane rwomurundi ogwa 21 rwamahanga ga Afirika againe akakwate na banka yensi yoona obubyetunguka oruri kumanywa nka; International Development Association. Orukiiko oru rubaire omwihanga rya Kenya omukibuga Nairobi.
Puresidenti Museveni naagira ngu enshonga erikuretera amahanga ga Afirika gaburwa kukurakurana nahabwokushanga ngu enshonga zetunguka abamwe tibarikuzetegyereza okuzirikugyenda kandi abandi nibarinda obuhwezi bwokuruga aheru kwetungura. Naagira ngu abarikwenda kuhwera Afirika baine kukwatiraho Afirika omubyetunguka ebirimu ebyentambura, amashanyarazi, okwongyera omutindo omubyobugaiga bwomwitaka, hamwe nebirikushohora omwihanga.
Puresidenti Museveni nayoreka ngu abebembezi ba Afirika baine kweihamu omuze gwokurinda ngu babete omu kiiko ngu nibabegyesa ebyobwebembezi kureka baije kureta entunguka. Nayoreka oku baine kwetegyereza ahabweki Afirika nekora ebintu ebibatarikukoresa reru bakakoresa ebibatarikukora. Egi niyo shaaha kumanya ekibari kutari abaheru kumanya ekibarikwenda.
