OMWIHANGA RYA KENYA 228 BISIRWE OMWIJURIRANO GW’AMAIZI KANDI 72 TIBAKAREBUKIRE
OBWAHATI ABEBYOKWERINDA NIBENDA ABANTU BOONA ABARIKUTURA HAIHI NEMIGYERA HAMWE NA DAM BARUGEHO KARE
Kuruga okwezi kwa kashatu omwaka 2024 eihanga rya Kenya rikatandiika kutunga omwijurirano gwamaizi kuruga omu byanga bitari bimwe nabimwe. Enjura yamani erimu omuyaga obwahati eretiire abantu nyamwingi omwihanga rya Kenya Babura ohokurara ahabwa maizi kwijura gakaregyesereza.
Ahuturikugambira ebi abantu barikurenga 212,000 bahungire omu maka gabo tibaine ahokutura ahu abamwe bahikire nahakubahwera bakabiiha omu myanya eibabaire barimu obutafa. Abantu 72 aharyabo abatwirwe amaizi tibakarebukire nibakibaronda.
Obwahati Gavumenti ya Kenya neyenda abantu boona abarikutura haihi nemigyera hamwe na Dam barugyeyo ahabwekwerinda obutatwarwa amaizi gariyo nigeriisa karungu. Abaraije kwanga gavumenti neija kukoresa obushoboroozi bwayo kubihayo kifuba.
Omwijurirano ogukirizeyo kutinisa kandi gukaita abantu barikurenga 58 nobu Dam hamwe nomugyera gwa Nyendo byijura bikaboga aha sande ekyarugiriremu ekitebe kya porisi eirwariro hamwe nakatare omu tauni ya Ahero omwishaza erya Kisumu byoona kutwara amaizi.
