MURUGYE OMUBYABAJUNGU, PURESIDENTI MUSEVENI YASHABA EMINYETO OMWIHANGA
Ebi yabigambira aha mukoro gwokwijuka ekiiro kyabajurizi ahu yaba ari omugyenyi mukuru
Mukuru weihanga Yoweri Kaguta Museveni yashaba eminyeto kwetantara emicwe hamwe nemitwarize yabajungu eriyo nebacwekyereza. Yayoreka oku eminyeto myingi omwihanga barikushisha obwire barikureeba hamwe nokukuratira emipiira yaburaaya omu mwanya gwokukora namani bakamanya ebyensi yaabo. Ebi yabigamba obu we nomukyara we Janet Kataha Museveni baba bari abagyenyi bakuru aha mukuru gwokwijuka ekiiro kyabajuriize ekyomurundi ogwa 60 aha kashoozi akabakristo.
Puresidenti Museveni yaasima abikiriza ahabwokuhagira entekateka za NRM ekiriyo nikiretera entuguka omu maramizo kweyongyera. Yayoreka oku abikiriza abemyaka eya 1960 babaire baine etekateka mbi eyabaire erimu okushoshora omurangi hamwe nomudiini. Nikwe kushaba abikiriza kukoresa entaranta zaabo ezi ruhanga yabahaire nekigyendererwa ky’okweiha omu bworo.
Puresidenti yasiima omukyara womugyenzi Julius Nyerere omukyara Miria Nyerere ahabwokuba ekyokurebereaho kyahiika aha kwikiririza. Ogu yaaba aryomwe omu baramagi abarugiire omwihanga rya Tanzania kwija kukuza eizoba eri. Puresidenti weihanga yagamba ahaburi bw’enguzi arikworeka oku eihanga riri omukabi ahabwa bebembezi abihiremu omuze gwenguzi.
Aha shaaha ishatu zakasheshe okushaba ahari Namugongo aha sayidi eya bakurisitayo kwaba nikutandiika obwe kwebembirwe Ishabareberezi wekanisa ya Uganda Dr. Rev Stephen Kazimba Mugaru owaba shendekyerezibwe abarebereezi kuruga omu dayosisi zoona za Uganda. Ori ishabareberezi wekanisa omwihanga rya Nigeria niwe yaaba ari omugambi mukuru, kandi ogu yasiima eihanga rya Uganda ahabwokwemerera bakahamira aha kwikiriza kutari kugyendera aha nyikiriza zabajungu.
Ori sipiika wishengyero rya Uganda Hon. Anita Among niwe yaaba ari omugyenyi mukuru aha sayidi eyaba kurisitayo kandi ogu yasiima abikiriza okuguma omukwikiriza. Nayoreka oku hariho okutinisiriza omu bikiriza namunonga abo abarikurugayo bakagamba amaziima, nikwe kubashaba banya Uganda kugira owkikiriza kandi bakakunda eihanga ryabo ahabwokuba nirigyendera aha mazima.
Yasiima mukuru weihanga ahabwomuganda ogwarikuhereza ekanisa ya Uganda namunonga okubakwatiraho bakamarira eibanja ryekyombeko ekya Church house. Eki nikyorekyera kimwe ngu abanya Uganda nibakunda eihanga ryabo.
Bamwe aha bebembezi abayetaba omu mikoro yeraizoba haaba harimu owabaireho engazi eihanga Amama Mbabazi, Thomas Tayebwa ori omuhwezi wa sipiika weishengyero, engazi eihanga Robinah Nabajja, minisita weby’eguudo Gen Katumba Wamala, hamwe nabandi baingi abanyishengyero.
Oijuke ngu omu mwaka gwa 1885 kuhisya 1887 omukwezi kwamukaga, kabaka Mwanga wa kabiri akaragiira kwita abikiriza boona obwe otiiremu Charles Lwanga. Ahabwokujemera ekiragiro kya kabaka owabaire atakwenda diini. Emikoro yokwijuka ekiiro eki aha sayidi yabakurisitayo obureberezi obwa Rwenzori nibwe bubaire bwebembire omukutebekanisa emikoro egi kandi aha sayidi yaba kurisito oburebereezi obwa Nebbi nibwe bwayebembera emikoro egi.
