EBYA HON. MICHEAL MAWANDA NIBYONGYERA KUGUMA SENTE ZEBIGOMBE BY’ABETERAINE NAZITANAKA
Aba baine emishango yokuryangatanisa sente zirikurenga Biriyooni 164 zebigombe by'abeteraine
Ahu turikugambira ebi omunyishengyero ahabwa Igara East Micheal Mawanda hamwe namugyenzi we omunyishengyero wa Bulambuli Ignatius Wamakuyu Mudimi bari enyima yemitehimbwa bwanyima yokukwatwa ekitongore ekya poriisi ekirikukora aha kucondooza emishango.
Kurugirira aha mbaruha nizoreka oku Hon Mawanda aine emishango yobushomankuzi, okwiba hamwe nokuryangatanisa ebintu byekigombe ekya Buyaka Growers cooperative society.
Amakuru nigoreka oku mawanda arikujunanwa emishango yokwejumbira omu kukoresa kubi hamwe nokuryagatanisa sente zirikwingana Biriyooni 164 ezabaire ziri ezabantu abazirwanireho, hamwe nebigombe byabeteraine.
Okucoondoza nikworeka oku ekigombe kyabeteraine ekya Mengo Growers cooperative society kikaba nikibanja sente zirikurenga omu biriyooni 14B ahabwebintu byabo ebyasisikaire omu bwire bwentaro, nikwe kusharamu kukoresa ekitongore kya ba rooya ekya JM Musisi and co. Advocates kwenda Gavumenti kurabira omu minisiture eyeby’obushubuzi kubashashura.
Hon. Mawanda owabaire ataine kakwate omu kigombe kyabeteraine ekya Mengo akashaba abarikwebembera ekigombe ekyo kukoresa ba rooya aba M/S Justine Mungoma kuba nibo baaza omu kuhooza omushango ogu.
Bwanyima minisiture yebyobushubuzi ekaija yabaherezaho sente zirikwingana 2B kurabira omu ba rooya aba. Kurugirira ahari Muusa Bagala ori omubiiki wekigombe eki nayoreka oku ekigombe kyabeteraine eki kyatungire Miriyooni 50M zonka ekirikworeka ngu ezindi zikaburira omu mwanya.
Obwahati omunyishengyero ogu ari enyima yemitehimbwa obwe barikugumizamu nokucoondoza.
