OBWINAZI OMUSHOMESA WA BSU ASHUKIIRE OMUKOZI WE AMAIZI GARIKWOSYA!!
Doreen Atwongyirwe naija kugaruka omu kooti 15/10/2024 kuhurira orubanja rwe.
Nebya: Omweneitaka Bongyereirwe
Omuramuzi Owidaara ry’okubanza Esther Bagaala omu kooti eya Mbarara asindikire Kabura muriro Doreen Atwongyirwe owemyaka 39 y’obukuru omushomesa ahitendekyero erya Bishop Stuart university kuhitsya ebiro 15.10.2024 obwaraije kugaruka omukooti kwehozaho aha mishango yokuhisyaho obuhuta omwishiki ou yabaire nakoresa omu maka ge agarikushangwa omuri Katete central.
Annita Kansiime emyaka 18 yobukuru enzarwa ya Kishami Ruhama Ntungamo Disiturikiti niwe yatungire obuhuta obu bwanyima yamukama we omanyirwe nka Doreen Atwongyirwe kumushanga omuka atekiire amiizi agu yamushukiire akasya weena .
Kurugirira ahari Annita naagira ngu mukama we Doreen akaija eshaaha zomwabazyo nikwe kumushanga yaheza kuteka amaizi agu yabaire ariyo naaza kunabiisa abaana. Doreen obwe arikukoresa ebigambo bibi akagambira kubi Anna obwe arikumubuza ekyamuretera yakyererwa kunabisa abaana be ahu yakwasire amaizi agabaire gari omu jaga akagamushuka.
Annita nobu yagyerizeho kuhikirira omushaho akamuha obujanjabi nabwanyima akagaruka owamukama we ngu amuragurize, Doreen nyakumushuka amaizi tarabasize kumuhwera bwanyima yokuhiika namubiinga.
Samson Kasasira ori omugambiriza wa Poriisi ahabwa Rwizi rwijoni ahamize amakuru aga kandi yatugambira oku babaire bakwasireho omukazi Doreen ahabwomushango nigwe gumwe kwonka bakahika bakamurekura. Obwahati Poriisi egarukire yakwata Doreen ori omushomesa witendekyero erya BSU nikwe kumutaho emishango yokuhisyaho omuntu obuhuta kandi okucoondoza nikugumizamu.
Atwongyirwe Doreen owarebukaho omu kooti, omuramuzi tiyamwikiriza kugira eki yagamba nikwe kumwohereza omukihome mpaka kuhisya ebiiro 15/10/2024 obwaragarukye kuhurira omushango gwe.
