OKW’OMBEKA PUROJEKITI ZA GAVUMENTI OMURI RUBIRIZI, ABAKWASIRE KOTURAKITI BAREMIRWE KUHEZA EMIRIMO
NEBYA: Onesmus Ndyanabo
Tiimu kuruga omu offiisi ya Puresidenti eyebembirwe Dr.sister Akiror Mary Grace ori komishoona aha bajwekyerwa ba puresidenti omu matemba ga Uganda, hamwe na Maj.(Rtd) Martha Asiimwe orikwebembera ba RDC’s omwihanga bari omu disiturikiti ya Rubirizi kurambura zimwe aha purojekiti za gavumenti ezikozirwe neziriyo nizikorwa kuruga emyaka eshatu enyiima nokureeba okuziriyo niziyamba abantu bekyanga eki.
Zimwe aha purojekiti eziriyo nizikorwa harimu eya St. kizito Magambo seed school , Butooha health centre iii, Kisharu Katerera road, Munyonyi Health centre iii, Kafuro irrigation scheme, kidubure wetland and Katunguru seed school. Omukurambura purojekiti ezi kishangirwe ngu ezimwe bakoturakita abakwasire omurimo tibakozire nkoku babaire baraganise.
Ahari St Kizito Magambo Seed School oku bashangire ekitongore ekya Karisa ekyakwasire omurimo gwokw’ombeka eishomero batakariherize ahabw’eshonga yokushanga ngu baine koturakiti nyingi zokwombeka. Ahandi ahu bashangire emirimo negyenda akashobo harimu purojekiti ya Kafuro Irrigation scheme ahu bashangire ngu tihariho ekintu kyona ekyakozirwe, ekiretiire haazaho ebibuzo byingi. Okurambura purojekiti ezirikukorwa nikugumizamu obwe barikushwijuma nesente zomuhi womushoro okuzirikukoresibwa
