ABA REVIVAL GIRLS BASINGIRE NTARE SCHOOL OMU ZA DEBATE AHABW’EKYANGA KYA ANKOLE
Amashomero garikurenga 10 ningo getabire omu mpaka ezi
Eishomero erya Revival girls high school niryo risingire agandi mashomero 10 agabaire gari omu mpaka za debate ezibaire zitebekanisibwe abashomesa abarikwegitira omukigombe kyabo ekya; Teachers debate network Ankole region.
Empaka ezi ezibaire ahishomero erya Revival girls omuri Mbarara Disiturikiti zetabirwemu amashomero nka: Ntare school, Nganwa high school, Ntungamo girls, Mbarara sec, Kashaka girls, Mutoyera high school-Kitunga, Ibanda sec,Kibingo girls, Citizen high, Ntungamo high hamwe nagandi. Abeegi aba aborekiire omutindo murungi kyahiika aha kuhanjana ninga shi Debate ahu babaire nibagamba aha muramwa ogukwasire nebitokoza bwonkwo noku abazaire baremirwe omwoga gwabo kyahiika aha baana babo obutayejumbira omuryebo (poor parenting is causing drug abuse among the youth)
Ahu bagiire kuhenderera Ntare school hamwe na Revival Girls nizo zigiire aha zakamaririzo ahu Revival Girls ehendiire esingire Ntare, kandi Kitunga high school, niyo ebaire eyakashatu omu mpaka ezi. Amashomero agetabire omu mpaka ezi gatungire satifiketi kandi agakozire gye abeegi batungire emidari hamwe nekikopo.
Orikwebembera eishomero erya Revival girlsHigh School Madam Clare obaire atayayise empaka ezi, asimiire bakuru bamashomero ababasize kwohereza abeegi bakahajana aha muramwa ogukwasire aha bitokoza bwonkwo ebiriyo nibihwerekyereza eminyeto.
