EBYA HON. MAWANDA NIBY’EYONGYERA KUGUMA, ABA IGARA EAST NIBENDA AREKURE
Okumutaho emishango yobushomankuzi kibire ekintu ky'okushwaza kandi ekirikuhemura eiziina rya Bushenyi Empango.
Ahu turikugambira ebi abatuuragye kuruga omuri Igara East nibenda omunyishengyero waaabo Hon. Micheal Mawanda arekure obwebembezi ahabwokuba abashwarize nobu barabe bamuterirer akaruru. Okugamba ebi nikwijaho bwanyima yekitongore ekirikurwanisa obushomankuzi omwihanga kumukwata aha biiro 19/06/2024 yokumukwata bakamutaho emishango y’obushomankuzi ahu we nabandi barikutekatekwaho kurya sente ezabaire ziri ezokushumbusha ebigombe byabeteraine hamwe nabazirwanireho.
Amakuru nigoreka oku mawanda arikujunanwa emishango yokwejumbira omu kukoresa kubi hamwe nokuryagatanisa sente zirikwingana Biriyooni 164 ezabaire ziri ezabantu abazirwanireho, hamwe nebigombe byabeteraine.
Kurugirira ahari Jane Frances Abodo orikwebembera ekitongore ekirikucondoza emishango ya gavumenti ningashi ou twakweta omutonganirizi wa gavumenti naagira ngu Mawanda, Wamakuyu, Akamba Kirya hamwe Kayundira bakakwatanisa kwiba sente zirikuhiika 7.3Biriyooni ezabaire ziri ezokushumbusha ekigombe kyabeteraine ekya Buyaka Growers Cooperative society limited.
Okubuza buza sente zabeteraine kurugirira aha mutonganirizi wa gavumenti bikabaho ahagati yomwaka 2019 kuhisya 2023. Omutonganirizi wa gavumenti nayoreka oku Mawanda omukwezi kwa ikumi yahindwire sente zomuhi womushoro ezabaire nizingana sh150,000,000 ezibataramanyire eki zabaire niziza kukora. Wanakuyu hamwe na Akamba aba bakabuzaho sente zirikwingana 2.3 biriyooni hamwe na sh 200Miriyooni kandi we Kirya akabuzaho sente zirikwingana 2.2Biriyooni.
Bwanyima yabaturagye kuruga Igara kuhurira ngu Mawanda hamwe nabandi bari omukihom hisya ebiiro 09/07/2024 obu baragarukye omu kooti kwehoozaho. Obwahati nibenda ababaire bayesimbire nawe abarimu Dan Mugarura Karukiiko ori mutabani wa Eldard Karukiiko ori ceyamani wa movumenti kutamu amani bamuhereze obururu ahabwokuba baruhiire nobushomankuzi bwa Mawanda.
Nobu Hon. Mawanda ari omu kigombe ekya PLU ekirikwebemberwa mutabani wa Purezidenti Gen Muhoozi, barugireyo bayoreka oku eihanga ryine kurwanisa obushumankuzi. Hon. Kabanda Daudi naagira ngu nkekigombe tibarikwikiriza omu bantu abarikurya enguzi kandi barinzire eki kooti erasharemu ahari memba waabo Mawanda.
Oijuke ngu obwahati abrikwenda entebe ya Mawanda ahabwa Igara East 2026 harimu Kirezi Clayford, Herbert Bwirizayo,hamwe Dan Mugura Karukiiko. Obwahati amani abantu bagatiire omuri Dan Karukiiko kuba niwe yabajwekyera.
