DR. KIIZA BESIGYE PYE!! ABEEKA NIBAMURONDA TIBARIKUMANYA AHU ABURIIRE.
Ngu bakamukwatira omwihanga rya Kenya
Amakuru agarikuruga omuka ya Dr. Kiiza Besigye namunonga omukyara we Winnie Byanyima nigoreka oku Besigye aburize amaisho obu abaire ari omwihanga rya Kenya ebiiro biina ebihwaireho. Kurugirira aha bantu bataribamwe nabamwe abarihaihi na Dr. Kiiza Besigye niboreka oku Besigye bahererukiire kumureba obwaruga omuka ye omuri Kasagati Wakiso disiturikiti arikuza kureeba omurwaire omu marwariro agari omuri Kampala.
Kurugirira ahari Winnie Byanyima obwe arikurabira aha mukutu gwe ogwa X nayoreka oku omushaija we bamukwatiire omwihanga rya Kenya ahu ahu abaire agiire aha mukoro gwowabaireho Minisita webiragiiro Martha Karua obu yabaire natongoza ekitabo kye aha rwamukaga esabiiti ehwaire.
Obwahati ari omu mikono yamahe ga Uganda omuri Kampala aha nshonga ezitarikumaywa, Winnie Kiiza nayenda Gavumenti eshoborore ahabweki bamukwasire kandi nayenda bamurekure.
Kurugirira aha mugambirizi wa Gavumenti ya Uganda Dr. Chris Baryomunsi kuyabuzibwa aha nshonga ya Besigye omukasheshe keraizoba, Baryomunsi yayoreka oku atarikumanya aha kyokukwatibwa kwa Besigye kureka nawe abirebire aha mukutu gwa Winiie Kiiza. “Nka Gavumenti turiyo nitucoondoza kumanya gaba gari amazima hamwe nokumanya enshonga ahabweki bamukwasire”.
