IRAN EGARUKIREMU ISRAEL NA MIZAYIRO ZIRIKURENGA 100 BATETEMA,

Eizooba rya Sunday mizayiro za Iran zitiire endembo za Israel ezirimu  Tel Aviv na Haifa, zaacwekyereza amaka n’okureetaho okwerarikirira omu beebembezi b’ensi yoona omu rukiiko rwa G7 orurikugyenda omu maisho esande egi ngu entaro ahagati yamahanga abiri nizibaasa kureetaho orutaro omuri Middle East.

Iran egarukiremu Israel nomuringo musya gw’okuteera za mizayiro ahonaaho bwanyima ya Israel kutera mizayiiro zamani omukibuga ekikuru ekya Tehran.

Minisiture y’eby’amagara omwihanga rya Iran ekoreka oku abantu 224 baisirwe, ahu ebicweka 90% n’abantu ba buriijo, kandi 1,481 bakatunga obuhuta obu Israel yatahirira Iran. Okurumba oku Israel yakozire omirundi eshatu ekaita abakazi n’abaana 70.

Kuruga entaro zaatandika, abantu 13 baisirwe kandi 380 bahutaziibwe omuri Israeli. aha sande agi omu mwebazyo, omuzinga gwa Iran gukarebeka ahaiguru y’orurembo rwa Haifa aha mwaro gw’eihanga rya Israel ahonaaho amahe ga Iran garabwire abatuuragye b’eihanga rya Israel okuruga omu myanya eri haihi ahabw’okwerinda kwabo.

Abantu 15 omukibuga Haifa nibo batungire obuhuta, reediyo y’amahe ga Israel nayo eyorekiire oku ebyombeko omu kicweka ky’oburugwa izooba bwa Tel Aviv bitirwe.

Ripoota nizoreka oku mizayiro za Iran zitiire emyanya nka Niagara na Tarish, omu matemba g’ekibuga ekikuru, hamwe n’okwetoroora ekibangirizi kya Valiasr na Hafte Tir ahagati y’orurembo.

Kurugirira aha kitongore ky’amahurire ekya Tasnim, mukuru w’ekitongore ky’eby’okwerinda ekya Iran ekya Islamic Revolutionary Guard Corps (IRGC), Mohammad Kazemi, hamwe n’omuhwezi we bakaitwa omu kurumbwa.

Terevijoni y’eihanga rya Iraneyorekire  amakuru arikworeka ngu eihanga rya Iran ryasindikire  za mizayiro ezirikurenga 100 omuri Israel. Okukora eki bakaba betaine  kigyendererwa ky’okwikiriza okushaba kw’amahanga g’aheeru okukyendeeza obwimukiriro, nk’oku ryabaire nirugumizamu n’okwihirira aha kurumbwa kwa Israel aha nteekateeka ya Tehran.

 Abaserukare ba Iran nibagira ngu okutahirira okubakozire ahari Israel bakakoresa omuringo musya ogwareteire eby’okwerinda bya Israel kurwanagana.

Ekitongore kya Israel ekya Magen David Adom (MDA) kyorekiire oku abantu bana biferire omukurumba oku Iran ekozire ahanyima y’okuteera emyanya ena omuri Israeli eya rwagati ahu, abantu 87 batungire obuhuta . Abafiire babaire bari abakazi babiri n’abashaija babiri.

Ab’obushoborozi omu rurembo rwa Israeli orwa rwagati orwa Petah Tikva haihi na Tel Aviv, nibagiira ngu za mizayiro za Iran zikateera ekyombeko ky’okutuuramu, zaayotsya ebisiika bya sementi, zaayotsya amadirisa, kandi amaju maingi gasisikiire. Ebikwekweto by’okuronda n’okusherura abantu biriyo nibigyenda omu maisho omu rurembo rwa Haifa, ahu abantu 30 bahutaziibwe.

Trump asiimire okutahirira kwa Israel, kwonka ahakaniise ebigambirwe Iran ngu Amerika nekwatanisa na Israel kuteera Iran. Abakuru babiri omuri Amerika borekiire oku orwakataano amahe ga Amerika gakahwera omukuteera za mizayiro za Iran ezabaire zigyenda kuteera Israel. Omwebembezi w’eihanga rya Amerika agumire nagira ngu Iran neebaasa kumaraho orutaro obwo erikwikiriza okutaho ebiragiro by’amaani aha puroguraamu yaayo eya nukiriya, eki Iran erikugira ngu n’eky’obusingye kwonka amahanga g’oburengyerwa-izooba hamwe n’ekitongore ky’ensi yoona ekirikureeberera eby’amashanyarazi.