OKUFA KWA ABIAS ASIIMWE KWAREKAHO EBIBUZO BYINGI MUNONGA OMURI BUSHENYI
Bakamwosya ebicweka bye by'omubiri babishereka omu daari omu maaju agabaire napangisa
Owabireho mukuru w’eby’esente ahabwa disiturikiti ya Bushenyi Abias Asiimwe emyaka 57 y’obukuru yashangwa afiire
Kurugirira aha sitetimenti ya poriisi, Asiimwe Abias bakahereruka kumureba aha biiro 18/04/2026 omu tauni ya Kashenyi obwe arikutora omuhanda gurihaihi na roogi. Nikigabwa ngu taragarukire omumaka ge ekyaretiire aba famire batabaza omushango aha poriisi ya Kashenyi barikumuronda.
Poriisi bwanyima y’okutunga okumanyisibwa ekatandiika okucoondoza nikwe kugwa aha mubiri gwa Asiimwe ogubaire guriho obuhuta bw’omuriro omu mwanya oguri haihi na roogi.
Kurugirira ahari SP Apollo Tayebwa omugambirizi wa Poriisi ahabwa Bushenyi empango yahamya amakuru gw’okukwatwa kwabantu 4 hamwe nabimwe aha bintu ebibashangire ahu Asiimwe aitirwe kwongyera kucondooza. Kurugirira ahari Poriisi omubiri gwa Asiimwe bakagwosya ekiregyeserize nikwe kugushereka ahiguru omu daari omu maju ge agabaire napangisa omu katauni ka Kashenyi.
Eky’okutangaza nokushanga ngu omwe omu bakwasirwe ou barikutekateka kuba eri omu pangisa bamushangire nawe ayesherekiire omudaari ahu ebicweka byomubiri gwa Asiimwe bibaire bisherekyere.
Omubiiri gwa Abias Asiimwe gwatwarwa ahirwariro erya Kitagata kwongyera kucebeerwa obwe okucoondoza kurikugyenda omumaisho.
