Ekigombe kya National Unity Platform kigwerirwe akagwe bwanyima y’okutunga amakuru baabi munonga ahu omunyishengyero waabo owa Disiturikiti ya Kalangala Helen Nakimuli kugwa omwirwariro ahu abaire agiire kushemezibwa.
Joel Ssenyonyi omugambirizi w’ekiibina kya NUP naagira ngu Hon. Helen Nakimuli eizoba ry’orwamukaga aketwara omwirwariro erya Alexandria Medical Centre arikwevuga omu motoka ye kutunga obujanjabi obwabaire burimu okushemezibwa.
Omu bigambo bya Joel Ssenyonyi “Aha shaaha 09 zakasheshe ngambireho na Helen obwe turikuganira aha rukiiko oru tubaire nituza kugiraho kandi niwe abaire narutebekanisa nka minisita webyamahurire omukigombe kya NUP. Turikuganira abaire arikwevuga arikuza omwirwariro kutunga okushemezibwa kwonka tiyabasa kurugayo!! Twaferwa buzima”.
Hon. Nakimuli atwire arikuteganisbwa endwara zitari zimwe nazimwe omunda ekimuretiire yayetwara omwirwariro kushemezibwa. Amakuru kuruga ow’omuyambiwe (PA) nigoreka oku Nakimuli kubaherize kumushemeza nikwe kumwiha omwishemerezo kutunga okuhumuraho ahu ahikiire embera ekeyongyera kuba kubi nikwe kufa.
Hon Nakimuli emyaka 41 y’obukuru abaire asingire eky’obunyishengyero ahabwa Kalangala omurundi gwa Kabiri.
Hon. Helen Nakimuli akazarwa 02/07/1985 kuruga omukyaro kya Lukuba omu disiturikiti ya Kalangala. Arikuza omu paramenti ya 11 Helen akasinga Aidah Nabayigao mu karuru ka 2021. Kuruga aza omwishengyero Helen akozire omurimo muhango namunonga kyahiika aha kutungura eby’amagara, eby’etambura yaha maizi omu disiturikiti ya Kalangala.
Ekirugirireho okufakwe ahirwariro erya Alexandria Medical Centre tikikamanyirwe.
