ABEBEMBEZI BA RWAMPARA BAKAHUGIRA OMUKURWANIRA OBWEBEMBEZI OBUHEREZA BWABURA
Miriyooni 3 ezabaire ziri ezokukora omuhanda gwa Kakuuto abebembezi ba Ndeija bakazirya
Rwampara kuyatungire disiturikiti omukwezi kwamushanju omwaka 2019, abebembezi bakoreka oku disiturikiti erikwija kutunguka ahabw’okuba obuhereza bukaba nibuza kubahiika haihi .Obwahati emyaka 5 ei disiturikiti egi yahisya wahiika omu muruka ogwa Kibare omuri Ndeija okareba embera ei eguudo zirimu noyebuza eki abebembezi batura nibakora aha disiturikiti.
Engoborora eya Ndeija obwahati omuri Rwampara niyo erikushusha ngu teraronzire bebembezi ahabw’obuhereza bubi kandi obu betaine namunonga kyahiika aha byentambura.ahuturikugambira ebi batuura kuruga omumuruka ogwa Kibare omugomborora eya Ndeija bariyo bashobangirirwe tibarikumanya ekibarakuraseho bwanyima y’abebembezi ba disiturikiti egi nangwa otiremu nabo abarikuruga omuri Ndeija kubebwa namunonga kyahiika aha nshonga yokubakorera eguudo ezirikubi munonga omukyanga eki.
Obwahati oruguudo oririkuza Kibare kuraba omubyaro ebirimu Kakuto kuza Kiziba, Murago embera ei omuhanda ogu gurimu nigwerarikiririza. Byamukama Charles ori ceyamani wa Kakuto nayoreka oku abebembezi baraganise kubakorera omuhanda ogurikuraba omwiteme.
Abaataka ba Kakuto niboreka oku abebembezi namunonga ba Kansara tihaine ekibabakoraire kyahiika aha kuboneza emihanda. Niboreka oku abamwe aha bebembezi b
Aha shaaha inna zakasheshe omunyamakuru waitu ahikire omukyanga eki, ahashangiire abatuura bekyaro ekya Kakuuto bebembirwe ceyamani waabo barikugyezaho kutiinda omunda ogurikuraba omwiteme ogurikugaita ebyaro nka; Murago,Kakuuto hamwe na Kiziba. Aba nibagira ngu obusente obu disiturikiti yabaihare ngu bakore omuhanda ogu abebembezi bakazimira.
Abatuura aba niboreka oku bagyerizeho kwekorera emihanda obwe abebembezi babo barikubareba Ba ceyameni kuruga omubyaro 6 ebirikukora omuruka ogwa Kibaare obwahati nibenda kwanga kuterera abo abatwire omubwebembezi akaruru ahabwokuba tihaine ekibabakoraire. Obwahati wagyezaho kuhiika omu bicweka ebya Kyesiika yakabiri, Masatura, Omungorogoro nosigara orikwebuza oku abantu abarikutuura omu myanya egi barikutambuza ebihingwa byabo kuhiika omukatare
