OWA NUP AZIRINGIRE OWA NRM OMWITAKA KYARENGA OMU KA KAWEMPE NORTH

Elias Luyimbazi Nalukoola owekibiina ekya Natioanl Unity platform (NUP) niwe asingire akaruru aka Kawempe North Divijoni. Akaruru aka kabaire kari akokufa nokuhoona ahu amahe hamwe na poriisi bakozire ekirikubasiika obwe barikuteera abantu hamwe nabanyamakuru ngu obundi bakakiiba kwonka byaaba ebyabusha.

Elias Luyimbazi atungire obururu 17,764 kandi owa NRM Namabi Faridah Kigongo yatunga obururu 8,593. Ekirikumanyisa ngu Luyimbazi asingise Faridah obururu 9171. Henry Makabayi obaire akurire okuteza akaruru omuri Kawempe niwe aragirire Luyimbazi nkomunyishengyero otungire obururu bwingi. Oijuke ngu aha bururu 28002 obutiirwe , obururu  27596 nibwe bubaire buhurire kandi 406 babwangire reru obururu 49 nibwe bufiire

Okugarukamu aka ruru ka Kawempe North nibwanyima yowabaire ari omunyishengyero wekyanga eki Muhammand Ssegirinya kufa.

Batakarangirire owa NUP kuba niwe yasinga akaruru aka abarikuteera tooki omu byobwebembezi babaire bakirebire ngu NRM teraije kusinga nakakye ahabwokuba nibantagambirwa kandi tibarikwenda kwega nikyo bakoraire enshobi mpago kureta amahe omu karuru kandi barikukimanya ngu abantu baruhiire.

Bwanyima yokurangirira Luyimbazi, asiimire abantu ba Kawempe abamuhaire obururu kandi bakagaruka bakabukuma nobu aba NRM bakoraise amahe hamwe na poriisi kutinisiriza abantu. Luyimbazi agizire ngu naija kugumizamu nokurwanirira obugabe bwabo boona abu gavumenti egi erikubonabonesa ahabweby’obutegyeki.

OKU NIKWE ABESIMBIRE BAKOZIRE OMUKARURU AKA

1.Luyimbazi Elias Nalukoola (NUP) – 17,764 votes

2.Namabi Faridah Kigongo (NRM) – 8,593 votes

3.Hanifah Karadi Murerwa (Independent) – 381 votes

4.Sadat Mukiibi (FDC) – 239 votes

5.Henry Mubiru Kasacca (DP) – 100 votes