ABA JATT NA POLICE EBI BARIYO NIBAKORA NIBIHEMURA EIHANGA- SIPIIKA TAYEBWA
Obwahwaire hakaba hariho Boda boda 2010,Kiboko squad, obwahati ni JATT
Omuhwezi was sipiika weishengyero rya Uganda Hon Thomas Tayebwa arugireyo yajumirira ebikorwa ebi Poriisi hamwe nekitongore ekirikurwanisa abazahambuki omwihanga ekya ( Joint Anti-Terrorism Taskforce) ebi bariyo nibakora omu karuru aka Kawempe North.
Sipiika Tayebwa naagira ngu abaserukare ebikorwa ebi bakozire ahabahagizi bekiibina ekya NUP, obu babaire nibaza kurondera kanso Nalukola akaruru nibyoreka ekishushani kiibi ahihanga rya Uganda.” Abantu abarikukora ebyo nibabikora babigyenderaire Kwenda kworeka ekishushani kiibi”.
Okugamba ebi nobu abanyishengyero abekibiina ekya NUP kurugayo omwishengyero bakashaba gavumenti kugamba aha bikwasire aha kitongore ekya JATT noku kiriyo nikihezaho obugabe bwaba nya Uganda obwe barikutera hamwe nokuhuutaza abantu.
Minisita Bahati ojwekiire Gavumenti ahakanise amakuru agu abanyishengyero abanda barikugamba ngu gavumenti nekoragana nekitongore ekya JATT ekiriyo nikinyangaraza abantu ba Kawepe North. Bahati naagira ngu abo boona abakozire ebikorwa ebyo nibabikora nkabantu kutari kugiira ngu batumirwe gavumenti. Araganise oku abo boona baraije kukwatwa bakatwarwa omu kooti kwehoozaho. Ebigambo bya Hon Bahati abanyishengyero abanda babirebire nkebigambo byebishuuba hamwe nokwehozaho kwonka ngu bibaire bitarimu makuru goona.
Bimwe aha bantu ebibarikwebuza nokugira ngu poriisi aba NRM terikubakwataho kureka nebebembera mehiika nahakubeshengyereza baba baine enterane zaabo, kwonka kyahiika aha ba NUP abo nibabakiiza enkoni. Oijuke ngu obwire bwa karuru bwaba nibuza kuhiika omwihanga ebitongore byeby’okwerinda ebirikwija biri bisya nibihangwaho gavumenti kugihwera omu karuru. Waba noijuka Kiboko squad, Boda boda 2010, flying squad obwahati ni JATT.
