POPE FRANCIS NIWE WENKA OWAKOZIRE EKIRAAMO ATAKAFIIRE
Pope John XII aha myaka 18 bakamutorana kuba Pope omu mwaka gwa 955 kandi akaba ari pope owa 130
Omukwezi kwamukaga omwaka 2022 Pope Francis akahandiika ekiramo kye ekyabaire nikyoreka kwariba yafiire okwaraije kuziikwa. Ebyafayo nibyoreka oku Pope Francis abaire ow’okubanza kukora ekiramo kye etakafiire. Ekiramo ekyahandikire kikaba nikyoreka oku arikwenda ngu yaaba yafiire bamusikye omukereziya eya Saint, Mary Major Basilica erikushangwa aheru ya Vatican.
Nkoku emigyezo y’okushendekyereza Pope okwetuura eri, Pope Francis akaraama oku baine kumutimbira ekiina bakaba niho bamuziika ekintu ekitari ekyaburaijo.
Okutandiikana eraizoba 23/04/2025 okuhisya orwakatano, abantu omunsi yoona abarikubasa kuhiika omuri Vatican nibaija kwerebeera omubiri gwa Pope Francis eraisho ryahamuheru. Omukoro gw’okushendekyereza Pope Francis nigwija kubaho aha rwamukaga kandi niguza kukorerwa omu Vatican.
Oijuke ngu kuruga ediini yenkaturiika ebaho Pope w’okubanza bakaba nibamweta St. Peter aharugire eizina rya St. Peter’s Basilica. Pope Francis owu baronziire omu 2013 abaire ari Papa wa 266. Pope Gregory XII niwe Pope owabaire nakizayo emyaka kandi Pope John XII niwe yabaire Pope orikukizayo obuto aha myaka 18 yobukuru omu mwaka gwa 955 kandi akaba ari Pope wa 130.
