AMANYA MOLLY NARONDA OBUHWEZI BWA 200M Z’OKUMUSHEMEZA

Endwara yamagufa omu baana obwahati eriyo neyeyongyera omu Uganda ahu abantu 55 barikwitwa endwara egi buri mwaka kurugirira aha kitongore ekyebyamagara omusni yoona. Obwahati abaana abaine endwara egi nibaba nibentenga sente nyamwingi kubaragurira ekirikuretera abazaire abangi bashoberwa.

Endwara egi erikumanywa nka Arthritis nendwara erikukwata joints zomubiri ezirikuretera omuntu yaremwa kutambura kandi kwerikugumizamu noihamu nokufa. Obwahati omwana Amanya Molly emyaka 6 yobukuru niwe ariyo naboona bona nendwara egi erikwenda miriyoni 200 kumushemeza amagufa gomushokoro.

Molly Amanya emyaka 6 yobukuru obwahati nagyendera omukagari tarikubasa kwemerera ahabw’okuba amagufa ge agamaguru tigarikwebasiza. Kurugirira ahari nyina Rosette Nuwe, naagira ngu omwana we akatandiika arikushasha yatekateka ngu obumwe yagwa ahansi kwonka obwire kubwagumizemu nikwe kureba omwana endwara yagumizamu.

Dr. Amanya Banabasi omushaho omuhangu omubyamagufa naagira ngu endwara egi nekwata omu joints kandi ekirikurugamu omuntu naremwa kutambura baba batarahukire kumuragurira. Obwahati abazaire bomwana ogu bariyo nibaronda sente zokumutwara omwihanga rya Turkey ahu baraije kumushemereza omushokoro bakatamu ogundi.

Nkomuringo gumwe gwokurundanira sente omwana ogu ezokumutwara omwihanga rya Turkey nibaza kugiraho Car wash aha petrol station eya Chello petrol station erikushangwa Kora Norya. Ninga nobasa kuhikirira nyina womwana ogu aha number 0771594697/0772196229.