Nebya : Tusingwire Jonan
Kooti omuri Kamwengye Disiturikiti yasindika mukuru w’entebe yakataano Mushemeza Ismail Kambanda omu kihome okuhisya ebiro 6 omweezi ogurikwija obu aragarukye omu kooti kwongyera kuhurikiriiza emishango yokurya enguzi obwe arikukoresa offisi ye.
Kooti eyaaba ekurirwe omuramuzi Atim Harriet Okello yahurira ngu Mushemeza akaiha sente eziri ahagati y’emitwaaro 50 hamwe na Miriyooni 12 omusente za Uganda ahabantu kuhereza kubahereza emirimo omu district ya Kitagwenda. Ogu yatekwaho emishango 7 y’okutunga sente omumuringo gutahikiire(obtaining money by false pretense) kwonka emishango egi yoona yagyehakana.
