JOSEPH KABILA BAMUSHARIIRE OGW’OKUFA OMWIHANGA RYA CONGO

JOSEPH KABILA BAMUSHARIIRE OGW’OKUFA OMWIHANGA RYA CONGO

KINSHASHA

Owabaireho omwebembezi weihanga rya Democratic Republic of Congo (DRC) Joseph Kabila kooti yekinyamahe omwihanga rya Congo emushariire omushango gw’okufa aha biiro 01/09/2025, nobu abaire atariho. Kooti yekinyamahe nejunana Kabila ahabwebikorwa by’obwinazi ebirimu okwita abantu, okuhamba, hamwe nokubonabonesa abantu.

Kooti ebaire eyebembirwe Lt. Gen. Joseph Mutombo kataliya omu kibuga Kinshasha eyorekiire oku Kabila ashangirwe aine emishango ei yakozire obuyabaire eri omwebembezi weihanga eri hamwe nayaheeza kuruga omumwebembezi.

Zimwe aha nshonga eziretiire kooti yekinyamahe yacwera Kabila omushango gw’okufa, nahabw’okushanga ngu Gavumenti ya Kinshasha nemutunga akakumu ahabw’okuhagiira aba M23 abari omuri North Kivu obwahati.

Oijuke ngu barikusharamu omushango ogu, Kabila tarebuukire mukooti egi nobuhakuba rooya we ninga omunyabuzare weena.

Joseph Kabila owayebembireho eihanga rya Congo kuruga 2001 kuhisya 2019 ahakaniise ebi kooti yamahe ecwiiremu obwe arikugiira ngu kooti egi ebikoziire ahabweby’obutegyeki.

Lt Gen.Joseph Mutombo kataliya obaire akurire kooti egi agiziire ngu ekiragiiro kya 7 omu mateka gekinyamahe omwihanga rya Congo nirihereza ekibonerezo ekibonerezo ekyokufa omuntu yasingwa omushango ogu.

Oihireho okumucwera omushango gw’okufa Josep Kabila bamuragiire okushashura sente zirikwingana $50 Biriyooni omuza doora ya America ahabwebintu ebi yasisire.