AKAGWE OMURI BUSHENYI, OMUSHAIJA YAFERA OMU ROOGI
Isaac Atwiine emyaka 52 y'obukuru abaire agiire omu roogi kweshemezamu n'omukazi otakamanyirwe
Pooriisi omu disiturikiti ya Bushenyi yatandika okucondooza kumanya ekirugirireho omugaiga kandi omushubuzi kufeera omu roogi . Ofiire yamwanywa nka Ruhigwa Isaac Atwiine emyaka 52 y’obukuru kandi obaire ari omushubuzi omu tauni ya Bwegiragye Ishaka divijoni, Bushenyi-Ishaka munisiparite.
Martial Tumusiime omugambirizi wa pooriisi ahabwa Bushenyi empango yahamya amakuru aga kandi yagira ngu Isaac abire agire omu roogi erikumanywa nkeya Deluxe omuri Kizinda kweshemezamu n’omukazi otakamanyirwe maziina hamwe noburugo. Kurugirira aha bakozi ba hoteri egi yakufa bamuhaire room namba D8 ahu obaire akwasire ecupa ya beer kandi ayangire ngu batahandiika omukazi ou abaire aine.
Nikigambwa ngu aha shaaha emwe nekicweka z’omwabazyo omukaazi ou abaire aine omu roomu arebirwe arikushohora wenka kwonka bwanyima nikwe kugambiraho aba roogi ngu omushaija ou yatahamu nawe tiyagiira magara marungi. Vivian Kihembo omwe omubarikukora aha mwanya ogu bwanyima yokutunga okumanyisibwa kuruga owamukama we oku hariho omuntu otaba kurungi, ahikire naaza omu roomu ei babaire barimu nikwe kushanga Atwine kahwiremu obwe ebyami.
Kurugirira aha mugambirizi wa poriisi ahabwa Bushenyi empago SSP Martial Tumusiime yahamya amakuru aga kandi kurugirira ahariwe nyakufa yaaba ataine nkojo zoona ninga akamanyiso akarikworeka ngu bamuningire. Omubiri gwomugyezi gwatwarwa ahirwariro erya Kampala international teaching hospital Bushenyi kwongyera kucoondoza.
Pooriisi obwahati yatandiika omuhigo gw’okuronda omukazi ou abaire aine kubaasa kumubuza ekirugirireho okufa kwa Isaac.
